Ob 1:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai oei tơ gah gơal gô blah iŏk đei kông Êsâu, dôm lu bơngai oei tơ teh thŭng dơnă gô tŏk oei tơ teh khŭl bơngai Philistin: Lu sư gô đei iŏk mir chŭn Êphraim păng mir chŭn Samari; lu bơngai Bênjamin gô đei iŏk Gileat.

Ob 1:19 Iomraidhean Croise

II Pot 17:24

Pơtao đe Asiri anhăk ba bơngai đơ̆ng Babilôn, Kuta, Awa, Hamat păng Sêpharwaim ăn lu sư oei lăm lu pơlei tơ Samari tơplih kơ lu bơngai Isơrael. Lu sư blah iŏk dêh char Samari păng oei lăm lu pơlei tơ noh.

I Ho 5:26

Na Kră Yang 'Bok Kei-Dei Isơrael, pơtrŭt jơhngơ̆m Pul, pơtao dêh char Asiri păng Tiglat Phileser pơtao dêh char Asiri, rôp lu kon pơlei bơngai Rubên, bơngai Gat păng minh puăt bơngai Manase anhăk ba lu sư tơ pơlei Hala, Habôr, Hara, păng tơ tơring đak Krong Gôsan, dĭng truh tơ dang ei.

Esơra 4:17

Pơtao hloi chih hla bơar tơjur nơ̆r tơtă ăn kơ yŏng linh Rêhum, ăn kơ Simsai bơngai chih hla bơar păng ăn kơ đĭ-đăng lu bơngai bơ̆jang oei lăm Samari păng oei lăm dêh nai gah bơmơ̆t kơ đak krong, thoi âu: Hơpơi ăn kơ lu iĕm đei tơdrong hiôk-hian.

Esơra 4:2

lu sư năm tơ Serubabel păng lu kơdră adrĕch adrung na khan thoi âu: Lu nhôn kư̆m 'maih pơjing hnam akŭm hơdai hăm lu iĕm, yua kơ lu nhôn krao chă Kră Yang 'Bok Kei-Dei lu iĕm, kư̆m thoi lu iĕm mơ̆n, lu nhôn kư̆m đei soi kơkuh kơ Sư đơ̆ng chăl Êsarhađôn, pơtao Asiri, chĕp ba lu nhôn tơ âu.

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Je 32:44

Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Je 49:1

Gah dêh char Ammôn! Kră Yang khan: “Bơngai Isơrael ưh kơ đei kon drŏ-nglo hă? Ưh pă đei kon wă pơtrơp ioi hă? Liơ mă lê̆ kơ bơngai Amnôn mă kơkuh kơ yang Molek tơgar iŏk char Gat, kon pơlei sư oei lăm lu pơlei Gat?

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

Êsêkiên 36:28

Lu iĕm gô oei tơ lăm teh đak mă Inh ăn kơ yă 'bok lu iĕm, lu iĕm jing kon pơlei pơla Inh, Inh jing Kră Yang 'Bok Kei-Dei lu iĕm.

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 9:12

Ăn kơ kon pơlei Inh blah iŏk lu kon pơlei Eđôm mă oei oei. Păng đĭ-đăng kon pơlei jơ̆p kơ dêh char gô ư-ang anăn Inh”

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Jo 1:32

Kon sâu Jôsep, noh kiơ̆ kon sâu Êphraim, adrĕch adrung sư, kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Êphraim gơh năm tơblah.

Jôsuê 13:25

Teh lu adrĕch Jaser, đĭ-đăng pơlei char Gileat păng minh puăt char kon pơlei Ammôn, truh tơ pơlei Arôe jê̆ pơlei Rapba;

Jôsuê 13:31

Minh puăt char Gileat, pơlei Astarôt, pơlei Êdrei, ('bar tŏ pơlei noh lăm char Ok lăm tơring Basan), pơlei âu đei asong ăn kơ kon sâu Makir, kon drŏ-nglo Manase, wă khan minh puăt lu kon drŏ-nglo Makir kiơ̆ kơ adrĕch adrung lu sư.

Jôsuê 15:21

Đĭ-đăng lu pơlei adrĕch Juđa lăm tơring gah gơal, gah bơmơ̆t kơ char Eđôm đei: Pơlei Kapsêel, Êder, Jagur,

Jôsuê 15:33

Lăm tơring groi gah bơmơ̆t: Đei pơlei Êstaôl, Sôra, Asna,