Ob 1:18 - Sơ̆p Hlabơar Nơ̆r 'Bok Kei-Dei

¹⁸ Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.

Ob 1:18 Iomraidhean Croise

II Sam 19:20

Yua kơ inh đĭch đam ih băt kơdih yoch boih. Na dang ei lăm đĭ-đăng adrĕch hnam Jôsep, inh boih truh adrol wă jur sơng ih yŏng tơ'ngla inh.”

Le 5:12

Đơ̆ng noh, kon pơlei năm chă hơnong jơ̆p-jang kơ dêh Êyiptơ, lu sư wă dônh akŭm tơm 'ba tơplih kơ hơnong 'ba.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 47:14

To lu sư gô nhen thoi hơnong 'ba; ŭnh sa pơđĭ; lu sư ưh kơ gơh pơklaih kơdih lu sư đơ̆ng pla ŭnh. Ŭnh noh ưh kơ đei ngar wă nhur tơnŏ ôh, ưh pă đei tơnuh ŭnh wă ngôi nhur.

Êsai 5:24

Lei na nhen thoi pla ŭnh sa tơm hơnong 'ba, thoi 'nhĕt kro mơ̆t lăm pla ŭnh. Na rơh lu sư kư̆m bŭk hĕch păng pơkao plei lu sư đông thoi 'mui teh; yua kơ lu sư sơngah tŭk lê̆ khôi juăt Kră Yang Tih Hloh păng pơjăm nơ̆r Kră Yang 'Lơ̆ng Rơgoh Isơrael.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Je 11:23

Ưh kơ đei minh 'nu bu klaih ôh. Yua kơ Inh gô ăn tơdrong gleh răm truh kơ kon pơlei Anathôt lăm sơnăm Inh phak lu sư.’

Êsêkiên 37:16

“Ơ kon bơngai, ih athei iŏk minh pôm 'long jra păng chih tơ noh: Juđa păng adrĕch adrung Isơrael pơgơ̆p hăm sư. Athei iŏk minh pôm 'long jra nai dơ̆ng păng chih tơ noh: Jôsep, noh tơmam Êphraim hăm lu adrĕch Isơrael jing pơgơ̆p hơdai.

Êsêkiên 37:19

Khan bĕ kơ lu sư: ‘Kră Yang khan thoi âu: Âu Inh gô iŏk 'long jra Jôsep wă khan Êphraim hăm lu adrĕch Isơrael pơgơ̆p hăm sư păng gô akŭm tơ 'long jra Juđa jing minh pôm, na 'bar tŏ 'long jra jing minh lăm ti Inh.

Jôel 2:5

Lu sư pơplŏng truh tơ wĕch kông, thoi noh kơtơ̆ng thoi re gre aseh, kơtơ̆ng thoi pla ŭnh sa hơnong 'ba; noh thoi minh khŭl linh tih pran kơtang, săp pơrĕng wă năm tơblah.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

Ob 1:16

Sĭt thoi ih đei huch tơdrong Inh phak tơ kông rơgoh Inh thoi yơ, na đĭ-đăng teh đak kư̆m gô huch thoi noh; sĭt, lu sư gô huch sa păng luăn hloi, huch ling-lang pă pơdơh đơ̆ng noh lu sư gô lôch hiong thoi ưh tam đei lu sư!

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

I Kor 3:12

Lu bơngai pơm hnam kơpal anih noh, lu sư pơm păng maih, hu, tơmo, găch; lu mơ'nah pơm păng tơ̆r, 'nhĕt, gia, hơnong 'ba.