Ob 1:15 - Sơ̆p Hlabơar Nơ̆r 'Bok Kei-Dei

¹⁵ Yua kơ năr Kră Yang wă jê̆ truh năr phak đĭ-đăng adrĕch kon bơngai boih năr ei kơnh đe gô pơm kơ ih kư̆m thoi ih đei pơm kơ đe dôm tơdrong jang ih gô tuh kơpal kơ̆l ih kơdih dơ̆ng.

Ob 1:15 Iomraidhean Croise

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Jop 24:1

Liơ Kră Yang Tih Hloh ưh kơ pơkă jơ 'năr wă sek tơlang? Liơ lu bơngai băt kơ Kră Yang ưh kơ 'bôh năr sek tơlang noh?

Horiso 137:8

Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.

Je 49:12

Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 51:56

Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Êsêkiên 30:3

Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Êsêkiên 35:11

Na Kră Yang khan: Thoi Inh mă arih, inh gô pơm kơ ih kiơ̆ tơdrong hil mĭl păng jơhngơ̆m areh mă ih pơm kơ lu sư boih, Na lu sư gô băt Inh sek tơlang ih kiơ̆ tơdrong ih pơm kơ lu sư.

Êsêkiên 35:15

Yua kơ ih chơt hiôk mưh mŭk tơmam adrĕch Isơrael jing juơ pă đei, na Inh kư̆m gô pơm kơ ih thoi noh. Kông Seir păng đĭ kơ Eđôm, gô jing juơ pă đei păng lu sư gô băt Inh boih Kră Yang.’”

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Am 5:20

Năr Kră Yang hăm trŏ măng mu, ưh kơ hơdah, noh tơdrong ơh sơ'ngon, măng klăm hăm đei hơdah hơdong rang mơnhal deh?

Mi 5:15

Lăm tơdrong hil mĭl tơtŏ, Inh gô pơm tơwih tơdrong yoch kơnê̆ lu kon pơlei kuă kơ chu yom kơ Inh.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.