Ne 9:8 - Sơ̆p Hlabơar Nơ̆r 'Bok Kei-Dei

⁸ Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Ne 9:8 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 15:6

Abram lui tơpă kơ Kră Yang, na Kră Yang jô̆ sư bơngai tơpăt.

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

II Sam 22:31

Ơ Kră Yang 'Bok Kei-Dei, trong Ih 'lơ̆ng tơpăt; Nơ̆r Kră Yang pơkă trŏ kơ lui ngeh tơpă. Kră Yang jơ̆ khêl pĕng lu bơngai ôn kơ'nơp lăm Sư.

I Ho 1:14

Jêbus, Amôrit, Girgasit,

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Horiso 116:5

Kră Yang 'lơ̆ng tơpăt păng ăn tơdrong mơnat. Kră Yang 'Bok Kei-Dei lu bơ̆n đei jơhngơ̆m mơnat.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Both 26:3

Lu iĕm athei năm tơ 'bok soi mă oei bơ̆jang kơplah noh, na khan kơ sư: Năr 'nâu, inh năm 'bơ̆t anăp Kră Yang 'Bok Kei-Dei ih, wă khan kơ sư: Inh băt kơnăl kơ inh mơ̆t boih lăm dêh mă Kră Yang pơkă hăm 'bok yă wă ăn kơ lu bơ̆n.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Hêbrơ 11:17

Abraham đei đon lui tơpă. 'Bok Kei-Dei pơlong lăng sư đĕch, athei sư soi kơ 'Bok Kei-Dei kon pôm sư Isăk, sư chu hloi,

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 11:3

Đei wơh dơ̆ng năm tơ kon pơlei Kanaan gah hơlĕch păng gah bơmơ̆t, tơ kon pơlei Amôrit, Hêtit, Phêrêsit păng kon pơlei Jêbus, oei kơpal kông groi; păng năm truh tơ kon pơlei Hêwit, jê̆ jơ̆ng kông Hermôn, lăm tơring Mispa.

Jôsuê 23:14

Âu, dang ei inh wă năm kiơ̆ boih trong mă đĭ-đăng kơ kon bơngai năm; lu iĕm băt boih đĭ lăm jơhngơ̆m klơm klak kơ nơ̆r 'lơ̆ng mă Kră Yang 'Bok Kei-Dei đei pơkă khan kơ lu iĕm, ưh kơ đei minh nơ̆r ayơ glăi, đĭ-đăng gô pơsĭt trŏ ngăl; ưh kơ đei minh nơ̆r ayơ hiong.

Jôsuê 9:1

Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.