Ne 9:6 - Sơ̆p Hlabơar Nơ̆r 'Bok Kei-Dei

⁶ Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Ne 9:6 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Bl 1:9

Kră Yang 'Bok Kei-Dei khan thoi âu: “Lu đak tơ ala plĕnh athei akŭm minh anih păng athei đei anih hrĕng kro;” na đei hloi thoi noh.

Bl 2:1

Thoi noh, plĕnh teh păng đĭ-đăng dôm tơmam pơjing keh đang boih.

Bl 32:2

Kơplah Jakôp 'bôh lu đe ei, sư khan: Noh kơđông linh Kră Yang 'Bok Kei-Dei! Sư krao anăn anih noh Mahanaim.a

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 103:21

Hơri bơnê bĕ kơ Kră Yang! Ơ lu linh Kră Yang, đĭch đam pơm kiơ̆ nơ̆r Sư.

Horiso 115:15

Hơpơi sư ăn pŭn hiôk kơ lu iĕm. Kră Yang Tơ'ngla pơjing kơ plĕnh păng teh.

Horiso 124:8

Tơdrong dŏng tơgŭm lu bơ̆n lăm anăn Kră Yang. Tơ'ngla pơjing plĕnh teh.

Horiso 146:6

Sư boih Tơ'ngla pơjing kơ plĕnh teh, đak dơsĭ păng đĭ-đăng tơmam arih lăm noh; Kră Yang wei jơhngơ̆m tơpăt ling-lang;

Horiso 24:10

Pơtao ư-ang âu bu? Noh boih Kră Yang Tih Hloh. Sư boih pơtao ư-ang mơsêh mơyang Tih Hloh lăm anih tơblah. Sêla

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 36:6

Tơdrong 'lơ̆ng tơpăt Ih nhen thoi kông tih.a Tơdrong Ih sek tơlang tơpăt thoi sơlŭng jrŭ. Ơ Kră Yang, Ih wei rongb kon bơngai păng sem brem.

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Yo 10:30

Nhi 'Bă Inh dang minh 'nu akâu đĕch.”

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.

Both 10:14

Lu plĕnh păng lu tăl plĕnh kơjung hloh, teh păng dôm tơmam kơpal teh noh jơ̆ đơ̆ng Kră Yang 'Bok Kei-Dei.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Both 6:4

Ơ đĭ-đăng bơngai Isơrael mơ̆ng bĕ: Kră Yang 'Bok Kei-Dei bơ̆n, Kră Yang minh đĕch, ưh kơ đei 'bar.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 1:6

Thoi noh na kơplah năr mă Sư ăn Kon Sư kơdih jur tơ teh âu sơ̆, Sư krao đĭ-đăng kơ lu linh jang Sư khan: “Ơ đĭ-đăng lu linh jang Inh, kơkuh kơ Sư bĕ.”

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”