Ne 9:5 - Sơ̆p Hlabơar Nơ̆r 'Bok Kei-Dei

⁵ Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Ne 9:5 Iomraidhean Croise

I Pot 8:14

Đơ̆ng noh pơtao Sôlômôn sư tơwih muh măt tơ kon pơlei Isơrael, đĭ-đăng kon pơlei Isơrael oei dơ̆ng iung na sư krao khan hơpơi tuh ăn tơdrong pŭn hiôk.

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

I Pot 8:22

Đang kơ noh pơtao Sôlômôn dơ̆ng 'bơ̆t anăp chơnang soi Kră Yang 'bơ̆t anăp đĭ-đăng kon pơlei Isơrael. Sư yơ̆r ti tơ kơpal:

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Ho 16:36

Bơnê kơ Kră Yang, 'Bok Kei-Dei Isơrael. Trŏ hơri ư-ang ling-lang. Đĭ-đăng lu kon pơlei pơla khan bĕ: “A-men! Bơnê kơkuh kơ Kră Yang.”

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

I Ho 29:13

Dang ei, ơ Kră Yang 'Bok Kei-Dei lu nhôn, lu nhôn bơnê kơ Ih păng hơri ư-ang anăn Ih.

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

II Ho 20:13

Đĭ-đăng bơngai Juđa hăm lu kon akăn lu sư dơ̆ng 'bơ̆t anăp Kră Yang.

II Ho 20:19

Lu bơngai Lêwi gah adrĕch Kôhat păng lu adrĕch Kôra lu sư iung dơ̆ng pơma 'bơ̆r re păng khan bơnê kơkuh kơ Kră Yang 'Bok Kei-Dei Isơrael.

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Ne 9:4

Jêsua, Bani, Katmiêh, Sêbania, Buni, Sêrêbia, Bani păng Kênani, iung dơ̆ng tơ kơpal hơdrơ̆l bơngai Lêwi păng ôr 'bơ̆r re krao apinh Kră Yang 'Bok Kei-Dei sư kơdih.

Ne 9:6

Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 134:1

Ơ lu đĭch đam Kră Yang, lu bơngai awih awăn kơmăng lăm hnam Sư. Hơri bơnê bĕ kơ Kră Yang!

Horiso 145:2

Rim năr inh gô hơri bơnê kơ Ih. Hơri ư-ang kơ anăn Ih ling-lang hlŏng hloi.

Horiso 145:5

Lu sư gô roi gah tơdrong 'lơ̆ng rŏ ư-ang Ih Gah inh gô tơchĕng kơ tơdrong jang hlĭch chrơp Ih.

Horiso 146:2

Lăm đĭ chăl arih inh gô bơnê ư-ang kơ Kră Yang; Inh oei arih dang yơ inh gô hơri ư-ang kơ Kră Yang 'Bok Kei-Dei dang noh.

Horiso 16:2

Inh đei khan păng Kră Yang boih: “Ih boih Kră Yang inh. 'Nguaih kơ Ih inh ưh kơ đei pŭn hiôka nai dơ̆ng.”

Horiso 66:2

Hơri ư-ang kơ anăn Sư păng pôk bơnê kơ Sư bĕ.

Horiso 99:3

Ăn kơ lu sư hơri kơkuh kơ anăn Ih mă tih hloh trŏ kơ hli; Sư boih 'lơ̆ng rơgoh;

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Da 2:20

Đơ̆ng noh, Đaniel pơih 'bơ̆r pơma khan: Kơkuh bơnê kơ Kră Yang 'Bok Kei-Dei ling-lang hlong hloi! Yua kơ tơdrong hơgei păng mơsêh lăm Sư.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Both 28:58

Tơdah iĕm ưh kơ kơchăng pơm kiơ̆ dôm nơ̆r đơ̆ng khôi juăt 'nâu, chih boih lăm sơ̆p hla bơar 'nâu, ưh pă hli kơ anăn 'lơ̆ng rŏ Kră Yang 'Bok Kei-Dei iĕm anăn ư-ang trŏ kơ hli yom krưp,

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

Lu 13:18

Linh jang 'lơ̆ng Kră Yang khan: Liơ mă ih jet anăn inh, anăn inh jing hlĭch dêh.