Ne 9:30 - Sơ̆p Hlabơar Nơ̆r 'Bok Kei-Dei

³⁰ Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Ne 9:30 Iomraidhean Croise

II Pot 18:11

Pơtao đe Asiri chông ba lu kon pơlei Isơrael năm tơ Asiri, ăn kơ lu sư oei tơ Hala, 'bơ̆t đak Krong Habôr lăm tơring Gôsan păng ăn mơ'nah lu sư oei tơ lu pơlei lăm tơring Mêđi.

II Pot 21:10

Na Kră Yang yua lu bơngai khan lê̆ adrol, lu đĭch đam Sư, bơtho khan kơ lu sư:

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

Esơra 9:10

Dang ei, ơ Kră Yang 'Bok Kei-Dei lu nhôn! Nhôn wă gơh pơma kiơ dơ̆ng yua kơ tơdrong truh boih? Yua kơ lu nhôn đei sơngah boih kơ nơ̆r Ih tơtă.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Êsai 28:10

Lu sư khan: Pơm păng pơm bĕ, pơm păng pơm dơ̆ng, tơdrong juăt 'nâu tơdrong juăt noh. Tŏ sĕt tơ âu, tŏ sĕt tơ to!

Êsai 42:24

Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Êsai 48:9

Yua kơ anăn Inh kơdih, na Inh ĕnh tơdrong blĕk Inh; yua kơ tơdrong ư-ang Inh kơdih, na pơgơ̆t tơdrong Inh huay kơ pơlôch pơrăm iĕm.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Je 25:4

Kră Yang oei gô wơh đĭch đam sư, lu bơngai khan lê̆ adrol, năm roi tơbăt ăn kơ lu iĕm, mă-lei iĕm kuă kơ mơ̆ng, kư̆m ưh kơ 'maih wă pơgling đon mơ̆ng.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Je 44:5

Mă-lei lu sư ưh kơ wă mơ̆ng păng kư̆m kuă kơ pơgling đon mơ̆n, ưh kơ wă weh đơ̆ng tơdrong kơnê̆ păng kư̆m oei soh nhang 'bâu phu ăn kơ yang nai.

Je 7:25

Iŏk đơ̆ng năr 'bok yă iĕm lĕch đơ̆ng dêh Êyiptơ truh tơ dang ei, Inh oei chơ̆n wơh đĭch đam Inh, lu bơngai khan lê̆ adrol năm tơ lu sư.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Da 9:6

Lu nhôn ưh kơ mơ̆ng lu đĭch đam Ih wă khan lu bơngai khan lê̆ adrol, yua anăn Ih na khan kơ pơtao, lu kuan tih, lu 'bok yă nhôn păng đĭ kon pơlei kơpal teh.

Sa 7:12

Lu sư pơm kơ jơhngơ̆m lu sư arăng thoi tơmo jơmŏng kuă kơ mơ̆ng khôi juăt mă Kră Yang Tih Hloh đei ăn boih Yang Bơhngol Sư yua lu 'bok khan lê̆ adrol kră sơ̆ mă Sư đei wơh; yua kơ thoi noh na đei tơdrong hil tih dêh đơ̆ng Kră Yang Tih Hloh.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Jo 11:26

Đei 'bar 'nu oei lăm kơđông; minh 'nu anăn sư Eldat, minh noh dơ̆ng anăn sư Mêdat, na Yang Bơhngol mơ̆t oei lăm bre sư, bre sư pơtơm pơma khan lê̆ adrol lăm kơđông. 'Bar 'nu bre sư âu, lăm khŭl mă đe đei chih jô̆ anăn noh, mă-lei ưh kơ đei năm tơ Bơsŭn Anih Akŭm.

Jang 13:18

Kơplah puăn-jĭt sơnăm lu bơngai Isơrael pơm lơ tơdrong ưh kơ chu kơ 'Bok Kei-Dei tơ char glă. Mă-lei 'Bok Kei-Dei 'mêm mơnat kơ lu sư tơpă.

Jang 28:25

Na lu sư wă tơklah dih băl brŏk tơ hnam kơdih, lu sư oei pơjah dih băl gah tơdrong Pôl bơtho. Hơdrol kơ lu sư wă brŏk, Pôl khan kơ lu sư thoi âu: “Yang Bơhngol 'Lơ̆ng ăn kơ bơngai pơtruh nơ̆r 'Bok Kei-Dei sơ̆, anăn sư Êsai, khan kơ lu 'bok kơdră bơ̆n sơ̆, na 'blep kơ iĕm ưh kơ lui dang ei.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.