Ne 9:29 - Sơ̆p Hlabơar Nơ̆r 'Bok Kei-Dei

²⁹ Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Ne 9:29 Iomraidhean Croise

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

II Pot 17:14

Mă-lei lu sư arăng kơ̆l ưh kơ wă mơ̆ng, lei-lăi thoi lu yă 'bok lu sư ưh kơ đei đon lui kơ Kră Yang 'Bok Kei-Dei lu sư.

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

II Ho 33:10

Kră Yang bơtho khan kơ Manase păng kon pơlei sư; mă-lei lu sư ưh kơ wă mơ̆ng.

II Ho 36:15

Kră Yang 'Bok Kei-Dei 'bok lu sư đei lơ wơ̆t wơh bơngai pơtruh nơ̆r Sư bơtho khan ling-lang, yua kơ Sư 'mêm mơnat kơ kon pơlei pơla Sư păng hnam Sư oei.

Ne 13:15

Kơplah chăl noh, inh 'bôh lăm char Juđa lu bơngai hmĕt đak hơmu, lăm năr Sa'bat chĕp hơchô̆ 'ba chơ tơ kơdŭ aseh păng kư̆m chơ sik plei hơmu, plei hơra păng chơ dôm lu tơmam trăp, na chơ chĕp ba mơ̆t lăm pơlei Jêrusalem lăm năr Sa'bat. Inh khă lu sư mơdro tơmam sŏng sa lăm năr noh.

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Ne 9:16

Mă-lei 'bok lu nhôn pơang arăng kơ̆l, ưh kơ mơ̆ng dôm tơdrong Ih tơtă.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 42:19

Kră Yang bơtho khan boih kơ lu iĕm, lu bơngai mă oei oei lăm dêh char Juđa: ‘'Nĕ kơ năm ôh tơ char Êyiptơ,’ lu iĕm băt boih năr 'nâu Inh đei roi tơbăt kơ lu iĕm,

Je 43:2

Asaria kon drŏ-nglo Hôsaia păng Jôhanan kon drŏ-nglo Karea păng đĭ-đăng lu bơngai drŏ-nglo pơang khan kơ Jêrêmi: “Ih hơlĕnh! Kră Yang 'Bok Kei-Dei lu nhôn ưh kơ đei layơ athei ih năm roi ăn kơ lu nhôn. ‘Lu iĕm 'nĕ kơ năm jur oei tơ dêh char Êyiptơ.’

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Mathiơ 19:17

Yêsu khan kơ sư: “Yua kơ kiơ ih jet Inh wă kơ băt gah tơdrong 'lơ̆ng? Kon bơngai ưh kơ đei bu 'lơ̆ng tơpăt ôh, pôm 'Bok Kei-Dei đĕch 'lơ̆ng tơpăt. Dah ih wă kơ arih ling-lang, lei ih athei pơm kiơ̆ kơ tơdrong 'Bok Kei-Dei pơkă.”

Luka 10:28

Yêsu khan kơ sư: “Tơdrong ih tơl noh trŏ tơpă. Ih pơm kiơ̆ hloi bĕ na ih gô arih ling-lang.”

Rom 10:5

Môis chih sơ̆ khan, bu wă kơ 'lơ̆ng hăm 'Bok Kei-Dei, sư athei kiơ̆ tơdrong juăt 'Bok Kei-Dei pơkă mă truh um nhen tơnen tơpă na sư 'lơ̆ng hăm 'Bok Kei-Dei gơh arih ling-lang.

Galati 3:12

Sơ̆p hla bơar Sư kư̆m đei khan dơ̆ng thoi âu: “Bơngai bu kiơ̆ tôm tơdrong juăt, 'Bok Kei-Dei gô ăn kơ sư arih ling-lang.” Thoi noh na lu bơngai gơnang kơ akâu sư kơdih wă kiơ̆ tơdrong juăt Môis, lu sư kuă kơ gơnang kơ 'Bok Kei-Dei gơh mơnat ăn kơ lu sư arih ling-lang ôh. Lu sư wă gơnang kơ akâu lu sư gơh pơm kiơ̆ tôm tơdrong juăt đĕch khan gơh arih ling-lang, mă-lei lu sư kư̆m ưh kơ kĕ kiơ̆ ôh.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

Both 31:27

Yua kơ Inh băt kơ jơhngơ̆m iĕm arăng dêh kơplah inh oei arih oei hơdai hăm lu iĕm hlôi blah plơ̆ boih hăm Kră Yang thoi noh, pơma kiơ đơ̆ng rŏng kơ inh lôch kơnh, lu iĕm wă blah plơ̆ dang yơ dơ̆ng!

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Lu 6:10

Inh đei khan kơ lu iĕm: Inh boih Kră Yang 'Bok Kei-Dei lu iĕm; 'nĕ kơ drap kơkuh kơ lu yang kon pơlei Amôrit lăm dêh char mă lu iĕm oei. Mă-lei lu iĕm ưh kơ đei wă mơ̆ng kiơ̆ nơ̆r Inh!