Ne 9:27 - Sơ̆p Hlabơar Nơ̆r 'Bok Kei-Dei

²⁷ Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Ne 9:27 Iomraidhean Croise

II Pot 13:5

Kră Yang ăn kơ Isơrael minh 'nu bơngai dŏng pơklaih lu sư, kon pơlei Isơrael klaih đơ̆ng ti lu đe Aram păng gơh oei lăm anih hnam lu sư kơdih thoi adrol sơ̆ dơ̆ng,

II Pot 14:27

Lei na Kră Yang Sư ưh kơ đei khan wă sut lê̆ anăn Isơrael đơ̆ng lăm teh âu, thoi noh sư yua hloi ti Jêrôbôam kon drŏ-nglo Jêhôas dŏng pơklaih lu sư.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:39

Mă-lei, athei hli yom kơ Kră Yang 'Bok kei-Dei iĕm, Sư gô pơklaih iĕm đơ̆ng ti lu bơngai ayăt kơ iĕm.”

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 136:24

Dŏng pơklaih lu nhôn đơ̆ng lu ayăt kơ bơ̆n. Tơdrong 'mêm Sư oei oei ling-lang.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.