Ne 9:2 - Sơ̆p Hlabơar Nơ̆r 'Bok Kei-Dei

² Adrĕch Isơrael tơklah đơ̆ng lu bơngai tơmoi, iung tơbral tơdrong yoch kơdih păng tơdrong kơnê̆ đơ̆ng 'bok lu sư.

Ne 9:2 Iomraidhean Croise

I Pot 8:47

tơdah lu sư oei tơ dêh char nai lu sư tơchĕng tơbral, krao khan hơdrĭ apinh ih: ‘Lu nhôn pơm yoch, pơm tơdrong kơnê̆ pơm lơ tơdrong ưh kơ trŏ.’

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Esơra 6:21

Lu bơngai Isơrael hŭt lê̆ tơdrong kơkuh kơ yang kư̆ kă, lu sư kiơ̆ bơngai Isơrael, wă krao chă Kră Yang 'Bok Kei-Dei đe Isơrael.

Esơra 9:1

Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Ne 1:6

Inh apinh Ih lăng păng đon Ih mơ̆ng nơ̆r krao khan inh bơngai đĭch đam Ih, dang ei inh oei krao khan rim năr rim măng yua kơ adrĕch Isơrael, lu đĭch đam Ih, oei 'bơ̆t anăp Ih păng roi tơbral dôm tơdrong yoch kon pơlei Isơrael mă lu nhôn pơm glăi boih hăm Ih, inh păng hnam dơnŏ 'bok inh kư̆m pơm yoch.

Ne 10:28

Lu kon pơlei oei đei, lu 'bok soi, lu bơngai Lêwi, lu bơngai gak 'măng jang lu bơngai hơri, lu bơngai kră hnam yang (Nêthinim) păng lu sư tơklah kơdih đơ̆ng kon pơlei lăm char đe wă kiơ̆ khôi juăt Kră Yang 'Bok Kei-Dei, akăn lu sư lu kon drŏ-nglo, kon drŏ-kăn lu sư wă khan lu bơngai đei tơdrong gơh hơgei păng hlôh wao.

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Ne 13:3

Tơdah lu kon pơlei đei kơtơ̆ng tơdrong khôi juăt noh, na klah lê̆ lu adrĕch tơmoi đơ̆ng kon pơlei Isơrael.

Ne 13:30

Thoi noh inh hơmet rơgoh lu sư đơ̆ng dôm tơdrong đơ̆ng lu bơngai tơmoi adrĕch đe nai păng pơjao ăn kơ lu pơm 'bok soi hăm bơngai Lêwi rim 'nu lăm tơdrong jang sư kơdih;

Horiso 144:11

Apinh Ih pơklaih inh đơ̆ng ti lu bơngai tơmoi; Lu bơngai đei 'bơ̆r pơma hơlĕnh. Đei ti 'ma pơkă bơkuĕch.

Horiso 144:7

Apinh chro ti Ih, đơ̆ng kơpal. Dŏng pơklaih inh, hơtŏk inh đơ̆ng lăm đak jrŭ. Pơklaih đơ̆ng ti lu bơngai tơmoi;

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Je 14:20

Ơ Kră Yang lu nhôn băt nhôn yoch kơnê̆, păng tơdrong yoch lu yă 'bok lu nhôn pơm; tơpă lu nhôn đei pơm yoch kơnê̆ boih hăm Ih.

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Da 9:20

Inh oei pơma păng krao apinh, tơbral tơdrong yoch inh păng tơdrong yoch kon pơlei Isơrael inh păng inh pơyơ̆r nơ̆r krao apinh inh 'bơ̆t anăp Kră Yang 'Bok Kei-Dei inh, yua kơ kông rơgoh Kră Yang 'Bok Kei-Dei inh;

Hôsia 5:7

Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.