Ne 9:1 - Sơ̆p Hlabơar Nơ̆r 'Bok Kei-Dei

¹ Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Ne 9:1 Iomraidhean Croise

II Sam 1:2

Năr mă pêng đei minh 'nu bơngai đơ̆ng kơđông Sôl, hơbĕn ao sư hiah đĭ, kơ̆l sư 'bĕnh kơ 'mui teh sư năm 'bơ̆t anăp drap kơkuh kơ Đawit.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 7:10

Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Esơra 8:23

Thoi ei, lu bơ̆n athei ơ̆t kơ sŏng sa wă krao khan apinh Sư ăn kơ bơ̆n yak hiôk-hian gô tơl tơwih nơ̆r Kră Yang 'Bok Kei-Dei lu bơ̆n.

Ne 8:2

Năr mă mônh khei tơpơh, Esơra 'bok soi chĕp ba sơ̆p hla bơar khôi juăt truh 'bơ̆t anăp kon pơlei, drŏ-nglo păng drŏ-kăn hăm đĭ-đăng lu bơngai mơ̆ng păng hlôh.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Esther 4:3

Lăm rim tơring mă đei hla bơar pơtao tơtă truh, đei ơh sơ'ngon nhơ̆m hmoi tih lăm adrĕch Juđa, nhơ̆m hmoi ơ̆t kơ sŏng sa ơh sơ'ngon, lơ bơngai su 'bi 'bĭch păng pung tơnuh.

Jop 2:12

Đơ̆ng ataih, lu sư lăng 'bôh Jop, mă-lei lu sư ưh kơ kơnăl ôh. Lăp lu sư kơnăl kơ Jop bơih na nhơ̆m ôr, hek ao lu sư kơdih, chup 'mui teh săi tơ kơpal păng săi tơ kơ̆l kơdih.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Lêwi 23:34

Roi khan bĕ kơ bơngai Isơrael, 'bơ̆t năr mơjĭt-pơđăm khei tơpơhf âu, pơm giĕng bơsŭn lăm tơpơh năr wă kơkuh kơ Kră Yang.

Lêwi 23:39

Truh năr mơjĭt-pơđăm khei tơpơh, g đang kơ lu iĕm kĕch yuă bơyan hơnê̆ sơnăm iĕm bơih, lu iĕm athei bơwei tơdrong pơm giĕng iĕm lăm tơpơh năr, năr blŭng-a jing năr pơdơh đei tơdrong pơyom păng năr mă tơhngam kư̆m năr pơdơh pơyom.

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

I Sam 4:12

Minh 'nu bơngai Bênjamin kơdâu ôn klĕch đơ̆ng anih tơblah, truh tơ Silô lăm năr noh, sư hek hơbĕn ao hiah đĭ, iŏk 'mui teh săi 'bĕnh kơ kơ̆l wă tơ'bôh đei tơdrong sơ'ngon.

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.