Ne 8:3 - Sơ̆p Hlabơar Nơ̆r 'Bok Kei-Dei

³ Sư dơ̆ng tơ kơphô̆ 'bơ̆t anăp 'măng jang Đak, đŏk lăm sơ̆p hla bơar ei đơ̆ng pơgê hrôih truh tơ 'năr dơ̆ng, đei lu drŏ-nglo păng drŏ-kăn hăm đĭ lu bơngai mơ̆ng gơh hlôh. Đĭ-đăng kon pơlei pơla mơ̆ng đŏk sơ̆p hla bơar khôi juăt.

Ne 8:3 Iomraidhean Croise

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Ne 8:4

Thây bơtho khôi juăt Esơra dơ̆ng tơ kơpal hơdrơ̆l đe pơm păng 'long; kơplah noh Matithia, Sêma, Anaia, Uri, Hilkia păng Masêia, dơ̆ng gah 'ma sư; gah 'ngiĕo sư đei Pêđaia, Misael, Malkija, Hasum, Hasbađana, Sachari păng Mêsulam.

Ne 8:5

Esơra pơih sơ̆p hla bơar 'bơ̆t anăp đĭ-đăng kon pơlei; sư dơ̆ng tơ anih kơjung hloh kơplah sư pơih sơ̆p hla bơar, na kon pơlei iung dang dơ̆ng đĭ.

Markôs 12:37

Đawit krao kơ 'Bok Krist Yŏng Kơdră sư, na lơliơ dang ei khan 'Bok Krist jing kon sâu Đawit lĕ?” Lu bơngai tơpôl mơ̆ng kiơ̆ ei lăp đon tơpă tôm tơdrong Sư bơtho.

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Luka 8:18

“Thoi noh na iĕm athei mơ̆ng Inh mă nhên. Bơngai bu hlôh, 'Bok Kei-Dei gô pơthim kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh sư tơchĕng sư hlôh ră, mă-lei sư gô hiong dôm tơdrong sư hlôh.”

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

Jang 15:21

Gah tơdrong juăt Môis pơkă, lu bơngai Juđê bơtho tơdrong noh tơ rim pơlei mă đơ̆ng sơ̆. Lu sư đŏk sơ̆p hla bơar Môis tơ hnam akŭm rim kơ năr pơdơh.”

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Jang 20:11

Na đơ̆ng noh Pôl tŏk tơ hnam kơpal ti dơ̆ng, nhôn sa et wă 'blŏk hơdơ̆r kơ Yêsu. Na đơ̆ng noh nhôn sŏng sa hloi. Pôl pơma dơnuh păng lu bơngai lui khŏm khŏm truh tơ 'năr lĕch. Klaih kơ noh nhôn tơklah dih băl đơ̆ng tơduă lu sư.

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

Jôsuê 8:35

Ưh kơ đei nơ̆r ayơ Môis đei bơtho khan, mă Jôsuê ưh kơ đŏk ưh kơ roi tơbăt ăn kơ bơngai Isơrael, mă drŏ-kăn, hơ'lơ̆p păng mă tơmoi oei hơdai lu sư.

Tơdrông Tơ'bôh 2:29

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:22

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”