Ne 8:17 - Sơ̆p Hlabơar Nơ̆r 'Bok Kei-Dei

¹⁷ Kon pơlei khŭl akŭm lu bơngai đơ̆ng pơm bơnă gơh wih brŏk pơm bơsŭn păng oei tơ noh. Yua kơ đơ̆ng chăl Jôsuê kon drŏ-nglo Nun, truh tơ năr noh, kon pơlei Isơrael tam mă biơh pơm et sa tih thoi noh, đei tơdrong hiôk chơt tih dêh.

Ne 8:17 Iomraidhean Croise

I Ho 29:22

lăm năr noh, lu sư sa et hiôk chơt 'bơ̆t anăp Kră Yang. Đơ̆ng rŏng noh wơ̆t mă 'bar lu sư pôk pơyom Sôlômôn kon drŏ-nglo Đawit pơm pơtao, lu sư tuh đak pơgang 'bâu phu kơ sư 'bơ̆t anăp Kră Yang, păng pôk ăn Sađôk pơm 'bok soi.

II Ho 30:26

Lăm pơlei Jêrusalem đei tơdrong chơt hiôk tih; đơ̆ng chăl Sôlômôn kon drŏ-nglo Đawit pơtao Isơrael, lăm pơlei Jêrusalem ưh tam biơh đei tơdrong chơt hiôk thoi noh.

II Ho 35:18

Đơ̆ng chăl Samuel 'bok khan lê̆ adrol, lăm bơngai Isơrael đe ưh tam đei pơm giĕng Năm Brih tih thoi noh; păng kư̆m ưh kơ đei pơtao ayơ lăm Isơrael mă pơm 'blŏk hơdơ̆r năr giĕng Năm Brih thoi pơtao Jôsia, hăm lu 'bok soi bơngai Lêwi, đĭ kon pơlei Juđa păng Isơrael mă đei tơ noh păng kon pơlei đơ̆ng Jêrusalem đei pơm noh.

II Ho 8:13

Sư pơyơ̆r rim năr kiơ̆ kơ Môis pơkă boih pơyơ̆r lăm năr giĕng Sa'bat, năr khei tơ'bang păng pêng kơ̆m giĕng lăm sơnăm noh lu năr giĕng sa 'bĕng ưh kơ đei 'Buih pông, kơ̆m giĕng phĕ kĕch, năr giĕng Bơsŭn.

Esơra 3:4

Lu sư kư̆m bơwei giĕng bơsŭn, kiơ̆ thoi đei chih păng soi pơyơ̆r lu tơmam soi 'buh, kiơ̆ kơ đei hơgăt kơ rim năr.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Both 16:15

Lăm tơpơh năr iĕm athei kơkuh kơ Kră Yang 'Bok Kei-Dei păng pơm năr giĕng âu, tơ anih mă Kră Yang gô rơih; yua kơ Kră Yang 'Bok Kei-Dei iĕm gô ăn pŭn hiôk kơ iĕm lăm đĭ phĕ plei boih păng dôm tơdrong jang đơ̆ng tơpang ti pơm kơdih; lei na iĕm gô chhôk ngă 'nă hal hơdai.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.

Hêbrơ 4:8

Sơ̆ 'bok Jôsuê anhăk lu bôl sư bơngai Isơrael năm oei tơ minh pôm dêh 'Bok Kei-Dei ăn. Mă ưh kơ sĭ 'Bok Kei-Dei wă ăn kơ lu bơngai chăl Đawit sơ̆ oei pơdơh hơdai hăm Sư tơ dêh char noh ôh. Sư khan noh oei đunh tơpă ưh kơ băt dôm jơhnơr, Sư khan lê̆ kơ lu bơngai chăl Đawit wă kơ lu bơngai noh chu kơ Sư, Sư wă ăn mơ̆t oei tơ dêh char Sư tơ plĕnh.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.