Ne 8:16 - Sơ̆p Hlabơar Nơ̆r 'Bok Kei-Dei

¹⁶ Kon pơlei năm na brŏk chĕp ba lu hla ei, rim 'nu pơm bơsŭn lu sư pơyơ̆l kơpal bơbŭng bơsŭn lu sư păng tơ cham lu sư kơdih, tơ lăm cham kơdeng hnam Kră Yang 'Bok Kei-Dei, tơ anih cham 'măng jang Đak păng tơ cham să 'măng jang Êphraim.

Ne 8:16 Iomraidhean Croise

II Sam 11:2

Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

II Pot 14:13

Tơ Bêt Sêmes, Jêhôas pơtao đe Isơrael rôp arih Amasia pơtao đe Juđa kon drŏ-nglo Jôas, sâu Ahasia; đơ̆ng noh năm tơ Pơlei Jêrusalem teng pơchah lê̆ dur Jêrusalem đơ̆ng 'măng jang Êphraim truh tơ 'măng jang Mum, ataih kơjung sư truh tơ 'bar-hrĕng hlok.

II Ho 20:5

Jêhôsaphat dơ̆ng tŏk-bŏk akŭm hơdai lu bơngai Juđa đơ̆ng rim pơlei păng pơlei Jêrusalem 'bơ̆t cham 'nao anăp hnam akŭm tơm Kră Yang.

II Ho 33:5

Sư kư̆m pơm chơnang soi ăn kơ lu khei sơnglŏng tơ plĕnh 'bơ̆t 'bar pah cham hnam Kră Yang.

Ne 12:37

Đơ̆ng 'măng jang Tu đak, lu sư tŏk tơpăt truh tơ kung pơlei Đawit, truh tơ anih tŏk kơ dur tơ kơpơ̆ng hnam pơtao Đawit păng truh tơ 'măng jang Đak tơ gah hơlĕch.

Ne 12:39

Năm kơpơ̆ng kơ 'măng jang Êphraim, jê̆ 'măng jang So 'măng jang Ka, hnam thôt Hananêl păng hnam thôt Minh-hrĕng truh tơ 'măng jang Triu lu sư pơdơh 'bơ̆t 'măng jang Gak.

Ne 3:26

Đơ̆ng noh bơngai Nêthiniam awih awăn lăm hnam Kră Yang oei tơ hnam thôt Ôphêl man hơmet truh tơ anih tơklă 'măng jang Đak tơ gah hơlĕch, truh tơ hnam Thôt kơjung.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 8:3

Sư dơ̆ng tơ kơphô̆ 'bơ̆t anăp 'măng jang Đak, đŏk lăm sơ̆p hla bơar ei đơ̆ng pơgê hrôih truh tơ 'năr dơ̆ng, đei lu drŏ-nglo păng drŏ-kăn hăm đĭ lu bơngai mơ̆ng gơh hlôh. Đĭ-đăng kon pơlei pơla mơ̆ng đŏk sơ̆p hla bơar khôi juăt.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Both 22:8

Mưh iĕm pơm hnam 'nao, athei pơm 'long pĕng găn tăp dăr kơ bơbŭng, kơnh hli kơ đei bơngai huŏng đơ̆ng bơbŭng hnam noh, bơ̆n huay pă pŭ kơting, đơ̆ng hnam 'nao noh.