Ne 8:15 - Sơ̆p Hlabơar Nơ̆r 'Bok Kei-Dei

¹⁵ păng wă kơ lu sư athei năm ră roi lăm rim pơlei păng tơ Jêrusalem kơtơ̆ng: Năm bĕ tơ pơlei groi kông gơ̆ ba lu dơng 'long ôliwơ păng 'long ôliwơ bri, lu dơng 'long gơsing păng lu dơng 'long roh, đei hơmŭl hla lơ wă pơm bơsŭn, thoi đei chih boih.

Ne 8:15 Iomraidhean Croise

Bl 8:11

Truh kơsơ̆ sem kơtơp păr brŏk tơ sư dơ̆ng păng âu tơ'bong sư jơngong ba hla 'long ôliwơ adrih; Nôê băt hloi đak hrơ̆ boih kơpal teh.

Lêwi 23:4

'Nâu lu năr Kră Yang pơkă boih, năr akŭm kơkuh 'lơ̆ng rơgoh, lu iĕm athei ră roi bĕ kơ đe mưh truh năr mă đei pơkă bơih.

Lêwi 23:40

Năr mă mônh lu iĕm athei iŏk plei 'long 'lơ̆ng; dơng 'long gol, dơng tih đei hla lơ păng 'long hla prai, na lu iĕm et sa chơt hiôk 'bơ̆t anăp Kră Yang 'Bok Kei-Dei lu iĕm lăm tơpơh năr.

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Mathiơ 21:1

Lu đe Yêsu wă jê̆ truh tơ Pơlei Jêrusalem boih, truh tơ Pơlei Betphagê 'bơ̆t kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Yo 12:13

Lu sư pĕch iŏk dơng hla gao na năm đih sơng Sư. Lu sư pơma 'bơ̆r re khan: “Hôsana, bơnê kơ 'Bok Kei-Dei. Bơnê kơ Yêsu Pơtao Isơrael truh tơ bơ̆n yua kơ Kră Yang wơh.”

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.