Ne 8:10 - Sơ̆p Hlabơar Nơ̆r 'Bok Kei-Dei

¹⁰ Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Ne 8:10 Iomraidhean Croise

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

I Ho 16:27

'Bơ̆t anăp Sư noh rang mơnhal 'lơ̆ng rŏ krưp; lăm anih sư oei đei mơsêh mơyang pran kơtang hiôk chơt.

Ne 8:11

Thoi noh bơngai Lêwi tơgŭm kon pơlei gơh hiôk hơđơ̆ng, khan: Oei hreh bĕ, yua kơ 'năr 'nâu jơ̆ năr 'lơ̆ng rơgoh, 'nĕ kơ sơ'ngon.

Ne 8:12

Đĭ-đăng kon pơlei năm sŏng sa păng huch nhă păng tơgŭm ăn tơmam sa pơm tơdrong hiôk chơt tih; yua kơ lu sư đei hlôh 'bôh nhen dôm lu nơ̆r đei bơtho boih kơ lu sư.

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 89:17

Yua kơ Ih jơ̆ tơdrong ư-ang pran kơtang lu sư; Đơ̆ng Ih mơnat na hơke lu nhôn tưk kơjung.b

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 3:13

Đĭ-đăng bơ̆n athei hiôk mă sŏng sa, nhă, dah lăm tơdrong jang bơ̆n, noh đơ̆ng Kră Yang 'Bok Kei-Dei asong ăn.

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 49:5

Dang ei, Kră Yang khan: Sư Tơ'ngla pơjing inh đơ̆ng lăm klak mĕ inh, ăn kơ inh jing đĭch đam Sư wă kơ inh chông ba adrĕch Jakôp wih tơ Kră Yang, păng akŭm Isơrael brŏk tơ Kră Yang; yua kơ inh đei pơyom 'bơ̆t anăp Kră Yang, păng Kră Yang 'Bok Kei-Dei ăn kơ inh đei jơhngơ̆m pran.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Sa 14:21

Dôm lu gŏ lăm pơlei Jêrusalem păng lăm Juđa gô jing rơgoh ăn kơ Kră Yang Tih Hloh; wă kơ đĭ-đăng lu bơngai pơyơ̆r tơmam soi kơ Kră Yang truh, iŏk gŏ noh na pai păng lăm năr noh, gô ưh pă đei minh 'nu bơngai Kanaana lăm hnam Kră Yang Tih Hloh.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

II Kor 8:2

Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.

Philip 3:4

Tơ̆ng bơ̆n 'maih pơma băl tơpă kơ tơdrong bơ̆n gơnang kơ akâu bơ̆n kơdih, bu kiơ̆ 'blep bu ưh, đe ưh kơ kĕ kiơ̆ 'blep dang inh. Mă-lei inh ưh kơ gơnang kơ tơdrong inh kiơ̆ 'blep noh ôh.

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

I Sam 25:8

Ih apinh bĕ lu đĭch đam ih, lu sư gô roi ăn kơ ih. Apinh ih ăn kơ lu tơdăm mơlôh inh đei mơnat 'bơ̆t anăp ih, yua kơ lu nhôn năm tơ âu trŏ kơ năr giĕng 'lơ̆ng rŏ. Đah lăm tơpang ti ih đei tơmam kiơ, asong bĕ kơ lu đĭch đam ih păng ăn kơ kon ih Đawit.