Ne 7:3 - Sơ̆p Hlabơar Nơ̆r 'Bok Kei-Dei

³ Inh pơkă kơ lu sư thoi âu: 'Nĕ kơ pơih lu 'măng jang pơlei Jêrusalem adrol kơ măt 'năr tŏ, ih athei tang lê̆ 'măng-'mŏk păng chơkăl lê̆ đơ̆ng lăm kơplah bơngai oei gak 'măng tơ noh păng athei ăn bơngai lăm kon pơlei Jêrusalem tơplih băl gak, rim 'nu bơngai dơ̆ng tơklă hnam sư kơdih.

Ne 7:3 Iomraidhean Croise

Ne 13:19

Tơdah wă măng mu boih 'bơ̆t 'măng jang pơlei Jêrusalem adrol kơ năr Sa'bat, inh athei đe tang lê̆ 'măng păng pơkă kơ lu sư pơih 'măng jang noh adrol kơ tôch đĭ năr Sa'bat hlôi boih; inh ăn kơ lu buăl inh mơ'nah wei 'măng ưh kơ ăn bơngai bu tung dah hơnong chơ tơmam trăp mơ̆t lăm pơlei lăm năr Sa'bat.

Ne 3:23

Tơtil lu đe noh Bênjamin păng Hasup pơm hơmet tơklă hnam sư kơdih, Tơtil lu đe noh Asaria kon drŏ-nglo Mêsaia, sâu Anania pơm hơmet tơtil hnam sư kơdih.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Ne 7:4

Pơlei tih să rơhơi, mă-lei kon pơlei oei lăm noh tŏ sĕt đĕch păng tam mă pơm hnam 'nao.

Horiso 127:1

Tơdah Kră Yang ưh kơ đei pơm hnam, Lei lu thơ̆ jang man hnam ưh kơ đei kơ yua. Tơdah Kră Yang ưh kơ wei pơlei. Lu bơngai gak kral kơmăng kư̆m tơdrong kơ đei.

Horiso 147:13

Yua kơ Sư đei pơm kơjăp boih kơ chơkăl 'măng jang ih. Ăn tơdrong pŭn hiôk kơ kon sâu mă oei hơdai ih.a

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.