Ne 6:8 - Sơ̆p Hlabơar Nơ̆r 'Bok Kei-Dei

⁸ Inh wơh bơngai năm khan kơ sư thoi âu: “Dôm tơdrong ih khan noh, ưh kơ đei bơngai bu pơm ôh; noh đơ̆ng lăm jơhngơ̆m ih chă pơm đĕch.”

Ne 6:8 Iomraidhean Croise

Ne 6:7

Ih kư̆m đei pơjing lu bơngai khan lê̆ adrol wă bơtho ră roi gah ih tơ lăm pơlei Jêrusalem khan: Đei minh 'nu pơtao lăm dêh char Juđa, đe gô pơtruh dôm nơ̆r âu kơ pơtao, 'lơ̆ng hloh năm bĕ wă kơ lu bơ̆n đei pơma dơnuh.

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Horiso 38:12

Lu bơngai wă pơlôch inh, lu sư hơ'năk kơ inh hơđong. Lu bơngai chơchă wă pơrăm inh tă kơ pơma kơnê̆, Păng prăt năr chă hơlĕnh pơdăr.

Horiso 52:2

Đĭ năr ih chă pơm kơnê̆. Hơpiĕt thoi săng kôih han ih pơma hơlĕnh.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Da 11:27

Đei 'bar 'nu pơtao noh, lăm jơhngơ̆m bre sư 'maih chă pơrăm băl, et sa hơ-oei minh pôm gô 'bang mă-lei pơma hơlĕnh băl, mă-lei tơdrong ưh kơ jing ôh, yua kơ gô đei năr tôch trŏ kơ năr đei pơkă boih.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Jang 25:10

Pôl khan: “Dang ei inh dơ̆ng 'bơ̆t anăp ih, ih sek tơlang kiơ̆ kơ tơdrong juăt 'bok pơtao tơm Rôm. Ih sek tơdrong inh tơ âu trŏ boih. Ih kư̆m băt mơ̆n inh ưh kơ pơm kơnê̆ kơ lu bơngai Juđê.

Jang 25:7

Lăp Pôl truh tơ hnam ei, lu bơngai Juđê đơ̆ng Pơlei Jêrusalem oei tăp dăr kơ sư, na jâu sư lơ tơdrong kơnê̆ tih tơpă, mă-lei lu sư ưh kơ 'bôh Pôl pơm tơdrong kơnê̆ kiơ ôh.