Ne 6:17 - Sơ̆p Hlabơar Nơ̆r 'Bok Kei-Dei

¹⁷ Kŭm lăm năr noh, đei lu bơngai mơdrŏng dêh char Juđa pơtruh chih kơthơ lơ ăn kơ Tôbia păng Tôbia kư̆m tơl nơ̆r chih tơwih kơthơ ăn kơ lu sư.

Ne 6:17 Iomraidhean Croise

Ne 13:28

Đei minh 'nu lăm kon drŏ-nglo Jôiada, sâu Êliasip 'bok soi tơm, ŏng Sanbalat, bơngai Hôrôn; yua kơ thoi noh inh puh tơweh lê̆ sư.

Ne 13:4

Adrol kơ tơdrong noh, 'bok soi Êliasip, đei rơih iŏk wă bơwei anih lăm hnam Kră Yang 'Bok Kei-Dei lu nhôn, bơngai mă pơgơ̆p boih hăm Tôbia,

Ne 3:5

Tơtil lu đe noh, lu bơngai pơlei Têkôa man, mă-lei gah lu bơngai mơdrŏng lu sư kuă kơ bơ̆jang tơgŭm ôh kơ lu yŏng sư kơdih.

Ne 5:7

Inh kư̆m hiơ̆k gah tơdrong noh, 'maih chrih kơ lu bơngai mơdrŏng păng lu bơngai pơm kuan tih: Inh khan: Lu iĕm chă jên kiĕng đơ̆ng lu 'nhŏng oh bơ̆n! Inh pơtơm akŭm minh khŭl lơ wă jet lu sư.

Ne 6:16

Tơdah lu bơngai ayăt kơ lu nhôn băt dôm tơdrong noh, na lu kon pơlei oei tăp dăr kơ lu nhôn kư̆m hli tơrơ păng jơhngơ̆m ưh kơ hiôk; yua kơ lu sư băt tơdrong jang âu gơh keh jing đơ̆ng Kră Yang 'Bok Kei-Dei lu nhôn.

Ne 6:18

Yua kơ tơ lăm dêh Juđa đei lơ bơngai drơ̆ng pơkă wă pơgơ̆p hăm sư, sư ŏng Sêkania, kon drŏ-nglo Arah; păng Jêhôhanan, kon drŏ-nglo sư, iŏk akăn kon Mêsulam, kon drŏ-nglo Bêrekia.