Ne 6:16 - Sơ̆p Hlabơar Nơ̆r 'Bok Kei-Dei

¹⁶ Tơdah lu bơngai ayăt kơ lu nhôn băt dôm tơdrong noh, na lu kon pơlei oei tăp dăr kơ lu nhôn kư̆m hli tơrơ păng jơhngơ̆m ưh kơ hiôk; yua kơ lu sư băt tơdrong jang âu gơh keh jing đơ̆ng Kră Yang 'Bok Kei-Dei lu nhôn.

Ne 6:16 Iomraidhean Croise

Ne 2:10

Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Ne 4:1

Tơdah Sanbalat băt kơ nhôn man hơmet ming dur pơlei dơ̆ng, na sư hil blĕk dêh păng hiĕk ăr kơ bơngai Juđa.

Ne 4:7

Mă-lei tơdah Sanbalat, Tôbia lu bơngai Arâp, kon pơlei Ammôn păng kon pơlei Asdôt băt kơ tơdrong jang pơm hơmet ming dur pơlei Jêrusalem rai tŏk 'net 'net, lu bơlôh pơchah man hơmet ming 'lơ̆ng na lu sư blĕk păng hil dêh.

Ne 6:17

Kŭm lăm năr noh, đei lu bơngai mơdrŏng dêh char Juđa pơtruh chih kơthơ lơ ăn kơ Tôbia păng Tôbia kư̆m tơl nơ̆r chih tơwih kơthơ ăn kơ lu sư.

Horiso 109:27

Ăn kơ lu sư băt đơ̆ng ti Ih boih pơklaih inh. Ih boih ơ Kră Yang, đei pơm tơdrong noh;

Horiso 126:2

'Bơ̆r lu nhôn 'bĕnh kơ nơ̆r hiĕk chơt. Hơpiĕt lu nhôn hơri 'nă hal. Lu đe teh đak khan: “Kră Yang đei tơgŭm lu sư tih tơpă.”

Horiso 129:5

Ăn kơ lu bơngai areh kơ Siôn mơlâu păng kơdŭn tơ rŏng.

Horiso 147:2

Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Jang 5:38

Thoi noh na dang ei inh khan kơ iĕm 'nĕ pơm kiơ kơ lu jơ̆ng 'bang Yêsu âu, lê̆ đĕch. Dah tơdrong sư lĕch đơ̆ng kon bơngai pơm đĕch, tơdrong sư 'noh gô hiong.

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.