Ne 5:8 - Sơ̆p Hlabơar Nơ̆r 'Bok Kei-Dei

⁸ Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Ne 5:8 Iomraidhean Croise

Ne 5:9

Inh khan dơ̆ng: “Tơdrong mă lu iĕm pơm noh ưh kơ 'lơ̆ng ôh hăm trŏ lu iĕm arih sa kiơ̆ trong băt hli yom kơ Kră Yang 'Bok Kei-Dei hli kơ lu bơngai ayăt che bơle hiĕk ăr kơ bơ̆n.

Jop 29:10

Lu bơngai yŏng ngăn hreh thĕng. Hơpiĕt lu sư klep tơ păk-'ngơk.

Jop 32:15

Lu sư hơdrôt hli ưh pă gơh tơl nơ̆r kiơ dơ̆ng; Lu sư đĭ pă đei nơ̆r bơih,

Le 21:16

Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Mathiơ 22:12

'Bok pơtao khan kơ bơngai ei: ‘Ơ ma, lơliơ ih mơ̆t tơ lăm anih âu mă ưh kơ hrŭk tơplih hơbĕn ao tơdrong juăt pơkong?’ Mă-lei bơngai ei ưh kơ pơ̆n drơ̆ng sư thoi yơ.

Mathiơ 25:15

Sư ăn kơ lu bơngai jang kơ sư jên gô mơ̆ng kơ lu sư gơh mơdro sa kơdih. Bơngai hơgei kơ mơdro sư ăn lơ 'biơ̆, bơngai ưh kơ gan hơgei sư ăn tŏ sĕt 'biơ̆. Sư ăn kơ bơngai mă mônh pơđăm hlak jên maih, minh hlak jên maih noh lơ tơpă. Sư ăn kơ bơngai mă 'bar, 'bar hlak jên maih. Bơngai mă pêng lăp minh hlak jên maih. Klaih kơ noh yŏng sư năm tơ dêh tơmoi ataih.

Mathiơ 25:29

‘Kon bơngai bơ̆n mưh jang pơnam, sư đei tơmam lơ, Kră Yang mơnat ăn pơthim tơmam kơ sư rai lơ rơkah rơkai. Bơngai mă alah, tơmam ưh kơ đei lơ, rai hiong huach đơ̆ng sư tăm.

Rom 14:15

Na đơ̆ng âu tơ anăp dah 'nhŏng oh bơngai lui bơ̆n khan 'nĕ kơ sa tơmam noh bơ̆n giĕng, bơ̆n kư̆m 'nĕ kơ sa kiơ̆ kơ sư khan. Dah bơ̆n kư̆ kơ sa, đe jô̆ bưh kiơ bưh, noh ưh kơ 'lơ̆ng ôh, hli kơ sư hơwơ̆l, dang bơ̆n pơyoch sư mơ̆n. Păng bơ̆n jing ưh kơ đei tơdrong 'mêm kơ 'nhŏng oh thoi Yêsu lôch tang bơ̆n, yua kơ hơlŏng bơlŭk bơ̆n đĕch.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

I Kor 8:11

Pơtih gia dah sư pơm kiơ̆ kơ iĕm thoi noh boih, inh hli kơ lu sư hơwơ̆l jing ưh pă băt kiơ̆ tơdrong lui thoi yơ, na jing achăng lê̆ tơdrong lui sư hloi. Sư bôl bơ̆n, bơngai lui thoi bơ̆n, Yêsu Krist lôch tang sư tơ 'long pơglang boih ră, mă-lei iĕm wă pơm pơ'brơh kơ sư jing răm.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.