Ne 5:5 - Sơ̆p Hlabơar Nơ̆r 'Bok Kei-Dei

⁵ Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Ne 5:5 Iomraidhean Croise

Bl 29:14

La'ban drơ̆ng sư: Tơpă boih, mon jơ̆ bơngai mă mih 'mêm. Đơ̆ng noh Jakôp oei hơdai mih sư tơ noh minh khei.

Bl 37:27

Thoi âu đĕch! Bĕ bơ̆n tĕch sư tơ lu bơngai Ismael to bơ̆n 'nĕ kơ pơrăm akâu sư, yua kơ sư oh bơ̆n, sĕch akar bơ̆n, na lu 'nhŏng oh sư chu kiơ̆ nơ̆r sư.

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Tơdrông Pơđơk 22:7

Bơngai mơdrŏng jing yŏng lu bơngai dơnuh, Bơngai bu tŏk iŏk jing đĭch kơ bơngai ăn iŏk.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Mathiơ 18:25

Mă-lei sư ưh kơ đei jên wă kla ôh. Na 'bok pơtao athei sư tĕch đĭ akâu sư, kon akăn sư păng mŭk tơmam sư, wă kla tơdrong sư hre noh jah tôch.