Ne 5:4 - Sơ̆p Hlabơar Nơ̆r 'Bok Kei-Dei

⁴ Kŭm đei bơngai nai khan dơ̆ng; lu nhôn kư̆m đei pơjao chŭn, mir hơmu, na wă kơ đei jên ăn kơ pơtao.

Ne 5:4 Iomraidhean Croise

I Pot 9:21

Dôm lu kon sâu sư mă oei arih lăm dêh char mă lu bơngai Isơrael ưh kơ kĕ pơlôch pơđĭ 'noh, na Sôlômôn rôp lu sư pơm đĭch bơ̆jang truh tơ dang ei.

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Esơra 7:24

Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Ne 5:3

Kŭm đei bơngai khan dơ̆ng: Lăm kơplah đei pơngot rơwĕt, lu nhôn pơjao chŭn mir pơgar hơmu păng hnam dơnŏ lu nhôn, wă kơ đei phe 'ba sa mơ̆n.

Ne 9:37

Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Tơdrông Pơđơk 22:7

Bơngai mơdrŏng jing yŏng lu bơngai dơnuh, Bơngai bu tŏk iŏk jing đĭch kơ bơngai ăn iŏk.

Jôsuê 16:10

Mă-lei lu sư ưh kơ pơpuh tơweh lu kon pơlei Kanaan mă oei tơ Geser, na lu kon pơlei Kanaan oei hơdai hăm adrĕch Êphraim, mă truh dang ei, mă-lei pơgŏ athei jang trăp gleh.