Ne 5:13 - Sơ̆p Hlabơar Nơ̆r 'Bok Kei-Dei

¹³ Inh kư̆m tơtuh tơdrơi ao inh na khan: Tơdah bơngai bu ưh kơ wei răk pơm kiơ̆ nơ̆r pơkă âu, na apinh Kră Yang 'Bok Kei-Dei gô tơtuh lê̆ hnam, mŭk drăm bơngai ưh kơ pơm kiơ̆ nơ̆r pơkă 'nâu păng tơtuh kơ bơngai noh jing hoh-hoy! Tơpôl lơ kư̆m wang drơ̆ng: “A-men!” Lu sư ư-ang kơ Kră Yang, lu bơngai ei pơm kiơ̆ thoi nơ̆r đei pơkă.

Ne 5:13 Iomraidhean Croise

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

I Ho 16:36

Bơnê kơ Kră Yang, 'Bok Kei-Dei Isơrael. Trŏ hơri ư-ang ling-lang. Đĭ-đăng lu kon pơlei pơla khan bĕ: “A-men! Bơnê kơkuh kơ Kră Yang.”

Ne 8:6

Esơra bơnê ư-ang kơ Kră Yang 'Bok Kei-Dei Tih hloh, na đĭ-đăng kon pơlei yơ̆r ti na tơl khan A-men; A-men! Đơ̆ng noh kŭp kơ̆l drap muh măt tơ teh kơkuh kơ Kră Yang.

Horiso 119:106

Inh đei pơkăm păng wei răk nơ̆r pơkăm. Inh gô kiơ̆ nơ̆r Ih tơtă tơpăt,

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 76:11

Pơkă bĕ lu kon pơlei oei tăp dăr kơ sư păng pơm pơkeh nơ̆r pơkă hăm Kră Yang 'Bok Kei-Dei iĕm; Pơyơ̆r bĕ tơmam soi kơ Kră Yang, Sư boih trŏ kơ hli yom.

Tơdrông Pơđơk 28:4

Bơngai achăng lê̆ khôi juăt hăt bơnê kơ bơngai pơm kơnê̆; Mă-lei đei bơngai kiơ̆ khôi juăt tơblah hăm lu sư.

Bôk Bơthô 5:5

Kơtrơ̆m 'nĕ pơkă, 'lơ̆ng hloh kơ pơkă mă ưh kơ pơm.

Jo 5:22

Thŭ đak tăng tơdrong hiap mơ̆t truh tơ lăm klơm klak pơm ăn kơ klak ih bơôr, blu ih ôm. Bơngai drŏ-kăn noh khan A-men, A-men.

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Jang 13:51

Na bre sư sơpuih 'bruih tơ jơ̆ng bre sư wă tơbăt kơ lu sư, lu sư bơngai yoch. Na bre Pôl năm hloi tơ Pơlei Ikôni.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.