Ne 4:6 - Sơ̆p Hlabơar Nơ̆r 'Bok Kei-Dei

⁶ Thoi noh lu nhôn man hơmet dur pơlei dơ̆ng, lu dur tơklep tơlir băl kơjung truh kơ minh puăt, yua kơ kon pơlei adrin 'maih jang.

Ne 4:6 Iomraidhean Croise

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

II Ho 29:36

Hesekia păng đĭ-đăng kon pơlei lu sư chơt hiôk kơ Kră Yang 'Bok Kei-Dei đei asong ăn kơ lu kon pơlei Sư na tơdrong jang âu tĕnh jah keh đang.

Ne 4:5

'Nĕ kơ đơ̆p lê̆ tơdrong kơnê̆ lu sư, 'nĕ kơ sŭt lê̆ tơdrong yoch lu sư 'bơ̆t anăp Ih; yua kơ 'bơ̆t anăp Ih lu bơngai man dur, lu sư tơblĕk Ih.

Ne 4:7

Mă-lei tơdah Sanbalat, Tôbia lu bơngai Arâp, kon pơlei Ammôn păng kon pơlei Asdôt băt kơ tơdrong jang pơm hơmet ming dur pơlei Jêrusalem rai tŏk 'net 'net, lu bơlôh pơchah man hơmet ming 'lơ̆ng na lu sư blĕk păng hil dêh.

Ne 6:15

Thoi noh, năr 'bar-jĭt pơđăm khei Êlun dur pơlei man hơmet keh, đĭ pơđăm-jĭt 'bar năr.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Horiso 122:3

Jêrusalem đei man thoi pơlei tih. Đei man pơkăp băl kơjăp.

Hagai 1:14

Đơ̆ng noh, Kră Yang pơtrŭt jơhngơ̆m Sôrôbabel, kon drŏ-nglo Salathiel, yŏng pơgơ̆r Juđa păng pơtrŭt jơhngơ̆m Jêhôsua kon drŏ-nglo Jêhôsađak 'bok soi tơm păng kư̆m pơtrŭt jơhngơ̆m kon pơlei mă oei oei; lu sư tă kơ năm bơ̆jang tơ anih hnam Kră Yang Tih Hloh noh jơ̆ Kră Yang sư.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.