Ne 4:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai mơ'nah man hơmet ming dur, lu bơngai mơ'nah tung hơnong pơdŭ păng lu bơngai hơtŏk tơ kơpal, minh pah ti bơ̆jang minh pah ti chĕp tơmam tơblah.

Ne 4:17 Iomraidhean Croise

Ne 4:13

Inh pơm pơjing lu kơđông tơ ala pah rŏng kơ dur pơlei păng tơ lu anih rơhơi; inh dan kon pơlei kiơ̆ kơ adrĕch adrung tơ noh đei chĕp đao hơlă păng hră.

Ne 4:16

Đơ̆ng năr noh minh puăt lu đĭch đam inh bơ̆jang man pơdơ̆ng oei minh puăt lu sư chĕp hơlă khêl đao hră, hrŭk ao bơsei gak; lu kră wei-lăng mơ̆t dơ̆ng tơgŭm gah rŏng lu adrĕch Juđa.

Ne 4:18

Lu bơngai man hơmet, rim 'nu kư̆m đei đao lu sư kơdih tơ̆n tơ kơiĕng, đơ̆ng noh man hơmet; bĕ lu bơngai hlôm keng ngôi 'bơ̆t jê̆ inh.

Horiso 149:6

Ăn nơ̆r hơri ư-ang kơ Kră Yang 'Bok Kei-Dei oei lăm 'bơ̆r lu sư. Chĕp đao 'bar pah măt lăm ti lu sư.

Hơri Hiôk 3:8

Đĭ-đăng lu sư chĕp đao gưm ngăl. Păng hơgei juăt kơ tơblah. Rim 'nu lu sư kiĕo đao tơ kơiĕng, Wă kơ răng hli kơ hơyăt kơplah măng mu.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Jôel 2:8

Lu sư yak năm huay kơ hơtŭt băl, yak kiơ̆ tơklă anăp kơdih kơdih, lu sư kơdâu rok trong anih đei tak hơlă ưh kơ đei lê̆ trong sư kơdih.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

I Kor 16:9

yua kơ tơ Êphêsô âu dang lĕ trong rơwơn pơchoh ăn kơ inh jang 'biơ̆, mă-lei kư̆m đei lơ bơngai wă ayăt kơ nhôn mơ̆n.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

Philip 1:28

Păng iĕm 'nĕ kơ hli kơ lu bơngai ayăt kơ iĕm. Lu bơngai ayăt băt kơ iĕm ưh kơ hli kơ lu sư, na lu sư băt kơdih bơngai 'Bok Kei-Dei wă phak, băt kơ iĕm bơngai 'Bok Kei-Dei huay kơ hil.

II Tim 2:3

Mă ih truh tơdrong pơmat, ih kư̆ adrin bơtho đĕch thoi inh dang ei mơ̆n. Thoi noh na ih jing linh 'lơ̆ng Kră Yang Yêsu Krist.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.