Ne 4:13 - Sơ̆p Hlabơar Nơ̆r 'Bok Kei-Dei

¹³ Inh pơm pơjing lu kơđông tơ ala pah rŏng kơ dur pơlei păng tơ lu anih rơhơi; inh dan kon pơlei kiơ̆ kơ adrĕch adrung tơ noh đei chĕp đao hơlă păng hră.

Ne 4:13 Iomraidhean Croise

Ne 4:12

Mă-lei kon pơlei Juđa oei hơdai hăm lu sư, truh tơ mơjĭt wơ̆t đei roi tơbăt ăn kơ lu nhôn thoi âu: Đei lu ayăt đơ̆ng puăn pah mum gô truh wă blah lu bơ̆n.

Ne 6:3

Inh wơh bơngai jang năm truh khan kơ lu sư thoi âu: Inh đei tơdrong jang kăl ưh kơ wăn năm, liơ mă inh gơh lê̆ tơdrong jang na jur năm tơ lu iĕm?

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.