Ne 4:11 - Sơ̆p Hlabơar Nơ̆r 'Bok Kei-Dei

¹¹ Lu bơngai areh kơ lu nhôn khan thoi âu: Lu sư gô ưh kơ băt ưh kơ 'bôh dôm tơdrong noh, gô dĭng lu bơ̆n truh tơ lăm lu sư, pơlôch đĭ lu sư păng pơm kơ lu sư pơdơh kơ tơdrong jang.

Ne 4:11 Iomraidhean Croise

II Sam 17:2

Inh gô druh blah sư lăm kơplah sư rơmơ̆n gleh lap, phôch kơ jơhngơ̆m, pơm ăn kơ sư hli tơrơ; đĭ-đăng kon pơlei năm kiơ̆ sư gô kơdâu tơklah tơklang, inh gô pơlôch minh 'nu pơtao đĕch.

Ne 4:10

Bơngai Juđa khan: Đei lơ tơmo gŏch pơchah na jơhngơ̆m lu bơngai tung hơnong pơdŭ đĭ gleh lap boih; lu nhôn ưh pă kĕ gơh man dur pơlei dơ̆ng.

Ne 4:12

Mă-lei kon pơlei Juđa oei hơdai hăm lu sư, truh tơ mơjĭt wơ̆t đei roi tơbăt ăn kơ lu nhôn thoi âu: Đei lu ayăt đơ̆ng puăn pah mum gô truh wă blah lu bơ̆n.

Ne 4:9

Mă-lei lu nhôn krao khan apinh Kră Yang 'Bok Kei-Dei lu nhôn păng rơih chă bơngai kral gak kơmăng kơ'năr wă găn lu sư.

Horiso 56:6

Lu sư pơđâud chop lănge đêl jơ̆ng inh yak. Lu sư 'maih pơrăm tơdrong arih inh.

Êsai 47:11

Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Jang 23:12

Pơgê dơning dơ̆ng lu bơngai Juđê mơ'nah akŭm pơđâu wă pơlôch Pôl. Lu sư pơma hiap kơdih khan: “Dah bơ̆n sŏng sa nhă đak tam mă pơlôch Pôl, mă bơ̆n lôch kơ 'Bok Kei-Dei pơrăm.”

Jang 23:21

Apinh ih 'nĕ chu kơ lu sư hŏ yua kơ lu sư đei loi puăn-jĭt 'nu bơngai wă răp pơlôch mih Pôl. Đĭ-đăng lu sư ei pơkă dih băl păng hiap akâu sư kơdih khan: ‘Dah bơ̆n sŏng sa nhă đak tam mă pơlôch Pôl lei jah ăn 'Bok Kei-Dei pơrăm bơ̆n đĕch 'lơ̆ng hloh.’ Lu sư hơmet tôm boih. Lu sư oei chang gô ih anhăk mih Pôl năm tơ lu kră sek tơlang đĕch dang ei.”

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.