Ne 3:14 - Sơ̆p Hlabơar Nơ̆r 'Bok Kei-Dei

¹⁴ Malkija kon drŏ-nglo Rêkap pơgơ̆r tơring char Bêt Hakarem hơmet 'măng jang Râm; lu sư man, đei tơnang 'măng păng chơkăl.

Ne 3:14 Iomraidhean Croise

II Sam 4:2

Pơtao Isbôset kon tơdăm Sôl đei 'bar 'nu yŏng linh, minh 'nu anăn Baanah, minh 'nu anăn Rêkap: Pơđĭ kơ bre sư kon tơdăm Rimmôn đơ̆ng pơlei Bêrôt adrĕch Bênjamin; yua kơ pơlei Bêrôt kư̆m jô̆ pơlei lăm tơring Bênjamin,

II Pot 10:15

Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

I Ho 6:40

Simêa kon drŏ-nglo Mikael, Mikael kon drŏ-nglo Baseria, Baseria kon drŏ-nglo Malkija.

Ne 12:31

Na inh athei yŏng pơgơ̆r bơngai Juđa tŏk tơ kơpal dur đơ̆ng noh klah song pơm 'bar khŭl lơ pơrĕng nơnăm wă bơnê ư-ang. Minh khŭl nơnăm gah 'ma kơpal dur, truh tơ 'măng jang Mơ̆r.

Ne 2:13

Lăm măng noh inh lĕch trong 'măng jang Thŭng, tơklă đak sơlŭng Kŏ bri, truh tơ 'măng jang Râm nhôn chă lăng dur pơlei Jêrusalem pơchah răm păng lu 'măng jang kư̆m đĭ kơ ŭnh sa.

Ne 3:9

Tơtil lu sư, Rêphaia kon drŏ-nglo Hur bơngai pơgơ̆r minh puăt pơlei Jêrusalem man pơdơ̆ng ming;

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.