Ne 2:8 - Sơ̆p Hlabơar Nơ̆r 'Bok Kei-Dei

⁸ kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Ne 2:8 Iomraidhean Croise

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Esơra 5:5

Mă-lei Kră Yang 'Bok Kei-Dei wei-lăng lu kră pơgơ̆r kon pơlei Juđa, thoi noh lu đe noh ưh kơ đei gơh pơgăn, gô chih roi tơdrong noh kơ pơtao Đarius băt, gô mơ̆ng kơ pơtao chih tơjur ăn thoi yơ.

Esơra 6:22

Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Esơra 6:8

'Nâu nơ̆r inh athei, iĕm athei pơm kiơ̆ hăm lu đe kơdră pơgơ̆r kon pơlei Juđa, wă tơgŭm pơm dơ̆ng hnam akŭm Kră Yang 'Bok Kei-Dei: Athei iŏk dôm lu tơmam đei ra đơ̆ng gah to đak krong, jah ăn jên 'nĕ kơ hiơ̆ ăn kơ lu bơngai noh, wă kơ tơdrong jang ưh kơ đei layơ kơtĕch pơdơh.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Esơra 7:9

Thoi noh, năr mônh khei mônh, sư đơ̆ng dêh Babilôn pơtơm wih brŏk blŭng-a, yua kơ đơ̆ng ti Kră Yang 'Bok Kei-Dei 'mêm wei-lăng tơgŭm, sư truh tơ pơlei Jêrusalem năr mônh khei mă pơđăm.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Bôk Bơthô 2:5

Pơjing pơm mir pơgar 'long sa plei;

Bôk Bơthô 2:6

inh sir sơlŭng să pơm dơnâu mong đak wă ruh mir 'long wơ̆ iung.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Da 1:9

Kră Yang 'Bok Kei-Dei pơm ăn bơngai wei-lăng linh krĕo gơh mơnat ăn kơ Đaniel.

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

Jang 7:10

Păng tơdrong anat anot sư 'Bok Kei-Dei kư̆m dŏng mơnat kơ sư mơ̆n. 'Bok Kei-Dei ăn kơ sư đei 'bơ̆r đon hơgei na 'bok pơtao Pharôn đe Êyiptơ lăp đon kơ Yôsep, na 'bok pơtao ăn kơ sư pơm kră pơgơ̆r dêh đe Êyiptơ păng pơgơ̆r hnam pơtao mơ̆n.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.