Ne 2:7 - Sơ̆p Hlabơar Nơ̆r 'Bok Kei-Dei

⁷ Inh kư̆m roi kơ pơtao thoi âu: “Tơdah tơdrong âu ih lăp đon, apinh ih pơjao kơ inh hla bơar kơthơ roi kơ lu pơm yŏng pơgơ̆r char pah to đak krong gơh ăn kơ inh yak năm hlôi truh tơ char Juđa;

Ne 2:7 Iomraidhean Croise

Esơra 6:6

Thoi noh dang ei, ơ Tatênai pơm 'bok pơgơ̆r gah bơmơ̆t đak krong, Sêthar Bôsênai păng đĭ-đăng lu bơngai bơ̆jang tơ Aphatsak gah to đak krong, athei weh bĕ đơ̆ng noh;

Esơra 7:21

Thoi noh, inh boih pơtao Artaserses đei chih roi ăn kơ lu 'bok kuan wei hnam mong tơmam gah bơmơ̆t kơ đak krong khan mă tơmam kiơ Esơra, 'bok soi bơngai bơtho hơgei kơ hla bơar, hlôh băt dôm khôi juăt Kră Yang 'Bok Kei-Dei tơ kơpal plĕnh, gô apinh đơ̆ng lu iĕm, lu iĕm athei ăn hloi.

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Esơra 8:36

Lu sư pơjao hla bơar nơ̆r tơtă đơ̆ng pơtao ăn kơ lu 'bok kuan wei tơring păng ăn kơ lu 'bok kuan wei pơgơ̆r char gah bơmơ̆t đak krong, na lu sư tơgŭm kon pơlei păng tơdrong jang hnam akŭm Kră Yang 'Bok Kei-Dei.

Ne 2:9

Thoi noh inh năm truh tơ lu yŏng pơgơ̆r char paih to đak krong, mơ̆t ăn kơ sư kơthơ đơ̆ng pơtao, đơ̆ng noh pơtao wơh lu yŏng linh păng lu linh hao aseh kư̆m năm hơdai inh.

Ne 3:7

Tơtil lu đe noh Mêlatia bơngai Gibeôn păng Jađôn bơngai Mêrônôt, lu bơngai Gibeôn păng lu bơngai Mispa man hơmet, lu đe noh lu sư kon pơlei oei gah Pah To Đak Krong pơgơ̆r.