Ne 2:6 - Sơ̆p Hlabơar Nơ̆r 'Bok Kei-Dei

⁶ Kơplah noh đei yă pơtao oei ngôi 'bơ̆t cheng pơtao, na pơtao jet inh: “Ih năm đunh dang yơ păng layơ ih brŏk?” Thoi noh pơtao lăp đon wơh inh năm păng inh pơkă măng năr kơ sư.

Ne 2:6 Iomraidhean Croise

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Ne 13:6

Kơplah dôm tơdrong noh đei truh inh ưh kơ đei oei lăm pơlei Jêrusalem; yua kơ trŏ lăm sơnăm pêng-jĭt 'bar chăl Artaserses pơm pơtao đe Babilôn, inh athei wih brŏk tơ pơtao, đơ̆ng rŏng kơ noh inh apinh phep pơtao gơh yak năm.

Ne 2:4

Pơtao jet inh thoi âu: “Ih apinh kiơ?” Inh krao khan apinh hloi Kră Yang 'Bok Kei-Dei kơ dôm tăl plĕnh,

Ne 2:5

Na roi kơ pơtao thoi âu: “Tơdah ih 'bôh tơdrong noh 'lơ̆ng, tơdah ih mơnat kơ inh đĭch đam ih, apinh ih wơh inh brŏk tơ char Juđa, tơ pơlei mă đei bơsat lu 'bok inh, wă kơ inh man pơjing pơlei ei dơ̆ng.”

Ne 5:14

Hloh kơ noh dơ̆ng, đơ̆ng năr inh pơm kră wei-lăng lăm dêh Juđa wă khan đơ̆ng sơnăm mă 'bar-jĭt truh tơ sơnăm pêng-jĭt 'bar chăl pơtao Artaserses, jô̆ đĭ 'bar-jĭt 'bar sơnăm inh păng lu 'nhŏng oh jang hơdai inh ưh kơ đei sa jên dah tơmam đơ̆ng đe apah inh pơm yŏng ôh.

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Êsai 61:4

Lu sư gô pơdơ̆ng ming đêl lu anih pơchah răm sơ̆. Tơiung dơ̆ng lu anih đĭ juơ so sơ̆. Lu sư gô hơmet tơiung lu pơlei mă pơchah răm, lu anih mă đĭ jing bri juơ đunh jơhnơr bơih.

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.