Ne 2:15 - Sơ̆p Hlabơar Nơ̆r 'Bok Kei-Dei

¹⁵ Thoi noh inh năm rok tơter đak glung, chă lăng dur pơlei đơ̆ng noh lu nhôn brŏk hơlơ̆k tơ rŏng mơ̆t trong 'măng jang Thŭng, kơplah noh 'năr tam mă hơdah.

Ne 2:15 Iomraidhean Croise

II Sam 15:23

Đĭ-đăng kon pơlei lăm pơlei Jêrusalem nhơ̆m ôr re kơplah lu khŭl tơpôl kon pơlei yak năm. Pơtao năm rok trong thŭng Kidrôn păng đĭ-đăng kon pơlei pơla năm rok tơklă tơ trong gah tơmăn glă.

II Ho 26:9

Usia kư̆m pơm tơiung lu hnam thôt lăm pơlei Jêrusalem, 'bơ̆t 'Măng Jang Mum, 'Măng Jang Thŭng, 'bơ̆t dur suăn pơm kơjăp hloh.

Ne 2:16

Kơplah noh lu yŏng pơgơ̆r ưh kơ băt inh năm tơ yơ păng pơm kiơ lăm măng noh, yua kơ inh ưh kơ đei roi kơ bơngai Juđa, dah lu 'bok soi lu yŏng mơng dah lu bơngai pơgơ̆r, mă lu bơngai wă jang kư̆m ưh kơ băt mơ̆n.

Ne 3:13

Hanun păng kon pơlei Sanôa hơmet 'măng jang Thŭng. Lu sư man đei tơnang 'măng păng chơkăl păng man minh-rơbâu hloka dur truh tơ 'măng jang Râm.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.