Ne 13:7 - Sơ̆p Hlabơar Nơ̆r 'Bok Kei-Dei

⁷ Inh năm dơ̆ng tơ pơlei Jêrusalem, na inh 'bôh tơdrong kơnê̆ mă Êliasip pơm 'bơ̆t kơplah sư đei hơmet ăn kơ Tôbia minh anih lăm kơđeng hnam Kră Yang 'Bok Kei-Dei.

Ne 13:7 Iomraidhean Croise

I Ho 3:24

Kon drŏ-nglo Êliôenai noh: Hôđawia, Êliasip, Phêlaia, Akup, Jôhanan, Đêlaia, păng Anani, đĭ-đăng tơpơh 'nu.

Esơra 9:1

Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 13:5

Păng hơmet boih kơ Tôbia, đei minh anih să, tơ anih đêl sư yua tah tơmam pơyơ̆r phe 'ba păng tơmam 'bâu phu, lu pơnhan kơchŏk, ra minh lăm mơjĭt gah lu 'ba mi, sik hơmu 'nao păng đak rơmă ôliwơ, wă khan tơmam đe ăn tơgŭm kơ lu bơngai Lêwi, lu bơngai hơri păng lu bơngai gak 'măng jang; hăm tơmam pơyơ̆r kơ 'bok soi.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

I Kor 1:11

Ơ 'nhŏng oh, inh bơtho khan kơ iĕm thoi noh yua kơ inh kơtơ̆ng đơ̆ng hnam dơnŏ yă Klôwê roi kơ inh tơdrong iĕm đei pơjah băl.