Ne 13:25 - Sơ̆p Hlabơar Nơ̆r 'Bok Kei-Dei

²⁵ Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Ne 13:25 Iomraidhean Croise

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

Esơra 10:5

Esơra sư iung, apinh lu 'bok soi păng bơngai Lêwi hăm đĭ-đăng Isơrael pơkăm pơkă pơm kiơ̆ thoi ei, lu sư pơkăm hloi.

Esơra 7:26

Tơdah lu đe bu ưh kơ pơm kiơ̆ khôi juăt Kră Yang 'Bok Kei-Dei ih păng khôi juăt pơtao, na lu iĕm athei sek tơlang phak lu sư hloi, dah pơlôch, dah puh tơweh, dah iŏk đi mŭk tơmam dah rôp phak, kiơ̆ kơ tơdrong sư glăi.

Ne 13:11

Na inh chrih kơ lu kră pơgơ̆r khan: Yua kơ kiơ đe achăng hŭt Kră Yang 'Bok Kei-Dei hŭt lê̆ thoi noh? Đơ̆ng noh inh krao akŭm pơpôi lu sư bơ̆jang dơ̆ng.

Ne 13:17

Kơplah ei inh khă lu bơngai mơdrŏng lăm Juđa, khan kơ lu sư: Lu iĕm pơm tơdrong kơnê̆ kiơ âu? Mă pơm pơ'mê̆ kơ lăm năr Sa'bat.

Ne 13:24

minh puăt kon hơ'lơ̆p lu sư pơma nơ̆r Asdôt, ưh kơ gơh pơma nơ̆r Juđa, mă-lei pơma kiơ̆ kơ nơ̆r adrĕch 'nâu dah kiơ̆ kơ adrĕch nai.

Ne 5:13

Inh kư̆m tơtuh tơdrơi ao inh na khan: Tơdah bơngai bu ưh kơ wei răk pơm kiơ̆ nơ̆r pơkă âu, na apinh Kră Yang 'Bok Kei-Dei gô tơtuh lê̆ hnam, mŭk drăm bơngai ưh kơ pơm kiơ̆ nơ̆r pơkă 'nâu păng tơtuh kơ bơngai noh jing hoh-hoy! Tơpôl lơ kư̆m wang drơ̆ng: “A-men!” Lu sư ư-ang kơ Kră Yang, lu bơngai ei pơm kiơ̆ thoi nơ̆r đei pơkă.

Ne 5:6

Kơplah inh kơtơ̆ng dôm lu nơ̆r âu păng nơ̆r krao ôr lu sư, na inh blĕk dêh.

Horiso 119:53

Inh blĕk tơtŏ 'bĕnh kơ jơhngơ̆m inh. 'Bôh lu bơngai pơm kơnê̆ achăng lê̆ khôi juăt Ih,

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Tơdrông Pơđơk 28:4

Bơngai achăng lê̆ khôi juăt hăt bơnê kơ bơngai pơm kơnê̆; Mă-lei đei bơngai kiơ̆ khôi juăt tơblah hăm lu sư.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Both 7:3

Lu iĕm kư̆m 'nĕ kơ pơm pô̆ 'băn hăm lu sư, kư̆m 'nĕ kơ ăn kon drŏ-kăn iĕm oei kơ kon drŏ-nglo lu sư, kư̆m 'nĕ kơ iŏk oei kon drŏ-kăn lu sư ăn kơ kon drŏ-nglo iĕm.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,