Ne 13:22 - Sơ̆p Hlabơar Nơ̆r 'Bok Kei-Dei

²² Inh athei bơngai Lêwi hơmet kơdih mă 'lơ̆ng rơgoh păng bơwei gak lu 'măng jang, wă 'măn 'năr Sa'bat jing năr 'lơ̆ng rơgoh, ơ! Kră Yang 'Bok Kei-Dei inh, apinh Ih 'blŏk kơ inh yua kơ tơdrong noh păng apinh Ih mơnat kơ inh kiơ̆ tơdrong 'mêm tih đơ̆ng Ih.

Ne 13:22 Iomraidhean Croise

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

II Ho 29:27

Hesekia athei đe pơyơ̆r tơmam soi 'buh, kơplah đe oei pơyơ̆r tơmam soi 'buh; kư̆m đei hơri bơnê kơ Kră Yang, hlôm keng reh brŏ đơ̆ng Đawit pơtao đe Isơrael, hơdai.

II Ho 29:30

Pơtao Hesekia păng lu yŏng pơgơ̆r athei bơngai Lêwi hat hơri bơnê kơ Kră Yang hăm nơ̆r hơri đơ̆ng Đawit păng Asap pơm, Asap, 'bok mă juăt kơ 'bôh adrol; lu sư hat hơri chơt hiôk kŭp kơ̆l kơkuh.

Ne 12:10

Jêsua 'bă kơ Jôiakim; Jôiakim 'bă kơ Êliasip, Êliasip 'bă kơ Jiađa;

Ne 12:30

Lu 'bok soi păng lu bơngai Lêwi păng hơmet kơdih wă kơ 'lơ̆ng rơgoh kư̆m hơmet ăn kơ kon pơlei wă kơ 'lơ̆ng rơgoh, lu 'măng jang păng dur pơlei kư̆m rơgoh mơ̆n.

Ne 13:14

'Blŏk bĕ kơ inh ơ! Kră Yang 'Bok Kei-Dei inh, yua kơ tơdrong 'nâu apinh Ih 'nĕ kơ sŭt lê̆ dôm tơdrong jang 'lơ̆ng mă inh đei bơ̆jang yua kơ hnam Kră Yang 'Bok Kei-Dei inh păng kơ tơdrong jang Sư.

Ne 13:31

kư̆m athei kon pơlei pơyơ̆r 'long ŭnh kiơ̆ thoi đei pơkă păng lu plei 'long blŭng-a lăm bơyan. Ơ! Kră Yang 'Bok Kei-Dei inh apinh Ih 'blŏk bĕ kơ inh păng ăn tơdrong 'lơ̆ng rŏ kơ inh! 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Ne 5:19

Ơ Kră Yang 'Bok Kei-Dei inh ơi! Apinh Ih 'blŏk kơ inh dôm tơdrong 'lơ̆ng inh đei pơm boih kơ lu kon pơlei âu.

Horiso 130:7

Ơ Isơrael, chang hơmĕng bĕ kơ Kră Yang; Yua kơ Kră Yang 'mêm mơnat Sư ăn tơdrong dŏng pơklaih lơ;

Horiso 5:7

Gah inh gơnang kơ tơdrong 'mêm tih Ih, inh gô mơ̆t tơ lăm hnam Ih. Iŏk jơhngơ̆m hli yom kơ Ih na drap kơkuh 'bơ̆t anih 'lơ̆ng rơgoh Ih.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Both 5:12

Iĕm athei 'blŏk kơ năr tơpơh wă pơm năr giĕng 'lơ̆ng rơgoh, kư̆m thoi Kră Yang 'Bok Kei-Dei iĕm pơkă ăn boih kơ iĕm.