Ne 13:2 - Sơ̆p Hlabơar Nơ̆r 'Bok Kei-Dei

² Yua kơ lu sư ưh kơ đei sơng păng glơng ăn 'bĕng păng đak nhă kơ kon pơlei Isơrael, mă-lei mơng apah Balaam hiap pơtê̆ kon pơlei Isơrael, mă-lei Kră Yang 'Bok Kei-Dei lu nhôn tơplih tơdrong hiap pơtê̆ noh jing tơdrong hơpơi ăn pŭn hiôk.

Ne 13:2 Iomraidhean Croise

Horiso 109:28

Lê̆ lu sư blei hiap, mă-lei Ih ăn pŭn hiôk. Layơ lu sư iung blah lu sư gô mơlâu, Mă-lei gah lu đĭch đam Ih gô chơt hiôk.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 23:18

Balaam drơ̆ng sư hăm nơ̆r hơri thoi âu: Ơ Balak, iung mơ̆ng bĕ! Ơ kon drŏ-nglo Sipôr, pơgling đon mơ̆ng bĕ!

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Both 23:3

Bơngai Ammôn kư̆m thoi bơngai Môap kư̆m ưh kơ gơh mơ̆t lăm khŭl kon pơlei Kră Yang, mă khan truh tơ kon sâu mơjĭt jơhnơr kư̆m ưh kơ gơh ôh.

Both 23:4

Yua kơ kơplah lu iĕm lĕch hlôi đơ̆ng dêh Êyiptơ, lu sư ưh kơ năm ba 'bĕng tơmam sa păng đak nhă sơng iŏk lu iĕm mă rai krao apah Balaam kon drŏ-nglo Bêôr oei tơ pơlei Pêthôr char Aram Naharaim, a năm hiap lu iĕm.

Both 23:5

Mă-lei Kră Yang 'Bok Kei-Dei lu iĕm ưh kơ wă mơ̆ng Balaam, na tơplih lê̆ tơdrong hiap pơtê̆ jing tơdrong sơkat pŭn hiôk ăn kơ lu iĕm, yua kơ Kră Yang 'Bok Kei-Dei lu iĕm 'mêm mơnat kơ lu iĕm.

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.