Ne 13:13 - Sơ̆p Hlabơar Nơ̆r 'Bok Kei-Dei

¹³ Inh pôk ăn Sêlêmia, pơm 'bok soi, Sađôk bơngai chih hla bơar păng Pêđaia minh 'nu lăm lu bơngai Lêwi, wei-lăng hnam mong; gah bơngai tơgŭm đei Hanan kon drŏ-nglo Sakur, sâu Matania, pơm kơiĕng; yua kơ đe jô̆ lu bơngai tơnăp; păng tơdrong jang lu sư klah asong tơmam kơ lu 'nhŏng oh lu sư.

Ne 13:13 Iomraidhean Croise

II Pot 12:15

Lu bơngai mă chĕp jên chă asong lu đe thơ̆ jang noh, đe ưh kơ athei sư chih jô̆ lăng yua kơ lu đe ei jang tơpăt tơnăp ngăl.

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Pot 22:7

Mă-lei, huay pă jô̆ dơ̆ng jên mă đe jao bơih kơ lu sư, yua kơ lu sư bơngai jang 'lơ̆ng jang tơnăp.”

Ne 10:12

Sakur, Sêrebia, Sêbania,

Ne 10:38

'Bok soi kon sâu Arôn, gô năm hơdai bơngai Lêwi, lu sư iŏk ra minh lăm mơjĭt noh; đơ̆ng noh lu sư chĕp ba minh lăm mơjĭt noh truh tơ hnam akŭm 'Bok Kei-Dei lu nhôn, na tah lê̆ lăm hnam mong tơmam.

Ne 11:22

Yŏng pơgơ̆r bơngai Lêwi oei lăm pơlei Jêrusalem noh Usi, kon drŏ-nglo Bani, sâu tơm Hasabia, sâu i Mattania sâu ach Mika adrĕch adrung Asap, khŭl bơngai hơri lu sư tă kơ oei tơ lăm Ôphel, noh kră wei-lăng tơdrong jang lăm hnam akŭm 'Bok Kei-Dei.

Ne 12:35

păng lu kon drŏ-nglo 'bok soi mơ'nah hlôm keng; Sachari kon drŏ-nglo Jônathan, sâu tơm Sêmaia, sâu i Matania, sâu ach Mika; Mika kon drŏ-nglo Sakur, sâu Asap;

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Ne 3:30

Tơtil bơngai noh, Hanania kon drŏ-nglo Sêlêmaia păng Hanun, kon mă pơđăm Salap, pơm hơmet păng pah nai, tơtil lu đe noh Mêsulam, kon drŏ-nglo Bêrekia pơm hơmet tơklă hnam sư kơdih.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Ne 8:4

Thây bơtho khôi juăt Esơra dơ̆ng tơ kơpal hơdrơ̆l đe pơm păng 'long; kơplah noh Matithia, Sêma, Anaia, Uri, Hilkia păng Masêia, dơ̆ng gah 'ma sư; gah 'ngiĕo sư đei Pêđaia, Misael, Malkija, Hasum, Hasbađana, Sachari păng Mêsulam.

Luka 12:42

Na Kră Yang Yêsu khan: “Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon. Na yŏng sư pơjao ăn kơ sư pơm kai wei-lăng lu buăl sư dơ̆ng, na mưh trŏ kơ jơ sŏng sa na sư chă asong kơ lu buăl sư tơmam sa.

Jang 4:35

Lu sư pơyơ̆r kơ 'Bok Kei-Dei ăn kơ lu bơngai jơ̆ng 'bang Yêsu chă asong lu bơngai mă hoh kơ đei.

Jang 6:1

Hơtai ei đe lui kiơ̆ Yêsu rai lơ. Lu bơngai lui ei khŭl bơngai Juđê pơma nơ̆r Grĕk păng khŭl Juđê mơ̆n sư pơma nơ̆r Juđê, lu sư pơjah pơjăng dih băl. Na khŭl mă pơma nơ̆r Grĕk, lu sư khan kơ đe mă asong tơmam sa, khan rim năr lu bơngai yă adro gah khŭl sư, đe ăn tơmam sa ưh kơ mah.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

I Tim 3:10

Iĕm athei pơlong lăng sư 'mơ̆i. Dah sư jang 'lơ̆ng na iĕm ăn kơ sư jang ling-lang.