Ne 12:43 - Sơ̆p Hlabơar Nơ̆r 'Bok Kei-Dei

⁴³ Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Ne 12:43 Iomraidhean Croise

II Ho 20:13

Đĭ-đăng bơngai Juđa hăm lu kon akăn lu sư dơ̆ng 'bơ̆t anăp Kră Yang.

II Ho 20:27

Đơ̆ng noh pơtao Jêhôsaphat yak adrol kơ đĭ-đăng bơngai Juđa păng lu bơngai oei lăm pơlei Jêrusalem chơt hiôk wih tơ pơlei Jêrusalem; Kră Yang ăn kơ lu sư chơt hiôk, yua kơ Kră Yang blah pơrăm đĭ boih linh ayăt.

II Ho 7:10

Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

Esơra 3:13

Thoi noh na đe hơnat kơ băt ayơ tơdrong hiôk chơt păng ayơ tơdrong nhơ̆m hmoi; yua kơ kon pơlei pơla ôr re păng nơ̆r re noh kơtơ̆ng jơ̆k truh tơ ataih.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Ne 12:42

Păng đei Mêsaia, Sêmaia, Êlêasar, Usi, Jêhôhanan, Malkija, Êlam păng Êser, lu bơngai hơri, đei Jêrahia pơgơ̆r hơri.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 9:2

Ơ Kră Yang Tih Hloh, inh gô chơt 'nă hal lăm Ih, păng hơri bơnê kơ Anăn Ih

Horiso 92:4

Ơ Kră Yang, Ih pơhiôk ăn kơ inh boih lăm tơdrong jang Ih; Inh gô hơri hiôk chơt kơ tơdrong jang đơ̆ng ti Ih pơm.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.

I Sam 4:5

Wă Hom Pơgơ̆p Kră Yang tung tơmơ̆t truh tơ lăm kơđông linh, đĭ-đăng bơngai Isơrael jreo hiôk chơt tih, teh mah pơpơ̆.