Ne 10:39 - Sơ̆p Hlabơar Nơ̆r 'Bok Kei-Dei

³⁹ Yua kơ lu kon pơlei Isơrael păng lu bơngai Lêwi gô chĕp ba, 'ba mi, sik hơmu păng đak rơmă ôliwơ 'nao mơ̆t tơ anih 'măn tơmam, tơ anih lu pơnhan kơchŏk tơmam 'lơ̆ng rơgoh, kơ lu 'bok soi bơ̆jang awih awăn, lu bơngai gak 'măng jang păng lu bơngai hơri. “Thoi noh lu nhôn ưh kơ achăng lê̆ ôh hnam akŭm 'Bok Kei-Dei lu nhôn.”

Ne 10:39 Iomraidhean Croise

II Pot 7:10

Na lu sư năm hloi, krao lu linh gak 'măng dur pơlei, roi kơ lu sư: “Nhôn năm truh tơ kơđông linh Aram, rơhiăng ưh kơ 'bôh bơngai bu, kư̆m ưh kơ đei kơtơ̆ng 'bơ̆r bu mơ̆n, 'bôh lăp lu aseh, lu aseh iĕ oei chô̆ păng lu bơsŭn achăng lê̆ thoi so.”

II Ho 31:11

Hesekia athei đe hơmet lu anih mong tơ Hnam Kră Yang; na lu đe hơmet lu hnam noh.

II Ho 31:12

Đei jơhngơ̆m tơpăt ba pơyơ̆r lu tơmam noh, gah tơmam minh lăm mơjĭt păng tơmam rơgoh tah tơmơ̆t. Kônania bơngai wei-lăng tơm hnam anih tah tơmam noh; oh sư Simei pơm kơiĕng sư, bre sư bơngai Lêwi.

Ne 12:47

Lăm chăl Serubabel păng Nêhêmi, lu bơngai Isơrael athei asong ăn tơmam sa kơ lu bơngai hơri păng lu bơngai gak 'măng jang, kiơ̆ kơ lu sư yua rim năr; akŭm klah asong 'măn phe 'ba kơ lu bơngai Lêwi păng lu bơngai Lêwi klah asong ăn dơ̆ng phe 'ba kơ lu kon sâu 'bok Arôn.

Horiso 122:9

Yua kơ Hnam Kră Yang, 'Bok Kei-Dei lu bơ̆n. Inh krao chă ăn kơ ih pŭn hiôk.

Jo 18:26

Ih athei khan ăn kơ bơngai Lêwi thoi âu: Tơdah layơ lu iĕm đei iŏk minh lăm mơjĭt mă Inh ăn đơ̆ng kon pơlei pơyơ̆r noh wă pơm mŭk tơmam iĕm, na iŏk bĕ minh lăm mơjĭt đơ̆ng tơmam noh na jing pơm tơmam pơyơ̆r soi ăn kơ Kră Yang.

Jo 18:30

Lei na ih athei khan ăn kơ bơngai Lêwi: Tơdah lu iĕm đei pơyơ̆r boih tơmam mă 'lơ̆ng hloh iŏk đơ̆ng tơmam minh lăm mơjĭt, lei ăn kơ bơngai Lêwi jô̆ thoi tơmam lu sư đơ̆ng anih preh 'ba, kư̆m nhen thoi tơmam lu sư đơ̆ng anih hmĕt sik hơmu mơ̆n.

Both 12:17

Lu iĕm ưh kơ gơh sa lăm pơlei iĕm kơdih, lu tơmam iŏk đơ̆ng minh lăm mơjĭt, 'ba, sik hơmu đak rơmă plei ôliwơ, dah lu kon rơmo triu bơbe tuh blŭng-a, dah tơmam kiơ iĕm drơ̆ng pơkă wă pơyơ̆r, dah iĕm pơyơ̆r hăm jơhngơ̆m wă, dah lu tơmam pơyơ̆r nai, lu iĕm ưh kơ gơh sa lăm pơlei iĕm kơdih.

Hêbrơ 10:25

Bơ̆n 'nĕ kơ lê̆ tơdrong akŭm, thoi lu đe mơ'nah mă lê̆ dang ei. Yua kơ dang ei wă jê̆ truh khei năr Yêsu Krist wă jur boih, na bơ̆n athei adrin pơlung băl gah tơdrong 'noh rai dêh.