Ne 10:36 - Sơ̆p Hlabơar Nơ̆r 'Bok Kei-Dei

³⁶ Pơm kiơ̆ tơdrong juăt, ba hloi kon drŏ-nglo kơdră păng kon sem dơrong tuh blŭng-a, triu dah rơmo tơ hnam akŭm 'Bok Kei-Dei lu nhôn, na pơjao ăn kơ lu 'bok soi wă kơ bơ̆jang lăm hnam akŭm 'Bok Kei-Dei lu nhôn.

Ne 10:36 Iomraidhean Croise

II Ho 31:5

Mưh đei nơ̆r pơtao tơtă truh boih kon pơlei Isơrael năm ba tơmam pơyơ̆r plei blŭng-a lăm bơyan thoi 'ba hơ'bo, Sik hơmu, rơmă ôliwơ, đak sut păng lu tơmam plei đơ̆ng mir chŭn; lu sư kư̆m năm ba pơyơ̆r minh lăm mơjĭt đơ̆ng dôm tơmam, lơ tơpă.

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Ne 13:5

Păng hơmet boih kơ Tôbia, đei minh anih să, tơ anih đêl sư yua tah tơmam pơyơ̆r phe 'ba păng tơmam 'bâu phu, lu pơnhan kơchŏk, ra minh lăm mơjĭt gah lu 'ba mi, sik hơmu 'nao păng đak rơmă ôliwơ, wă khan tơmam đe ăn tơgŭm kơ lu bơngai Lêwi, lu bơngai hơri păng lu bơngai gak 'măng jang; hăm tơmam pơyơ̆r kơ 'bok soi.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Le 34:19

Đĭ-đăng kon drŏ-nglo kơdră jơ̆ gah Inh ngăl. Đĭ-đăng sem dơrong rơmo dah triu, tơno tuh blŭng-a kư̆m lei-lăi jơ̆ gah Inh mơ̆n,

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Jo 3:13

yua kơ đĭ-đăng lu kon kơdră noh gah Inh ngăl. Sơ̆ kơplah Inh pơlôch pơrăm lu kon kơdră lăm char Êyiptơ, Inh rơih 'măn lê̆ kơ Inh lu kon kơdră lăm Isơrael, mă khan noh kon bơngai dah kon sem dơrong, lu sư gah Inh đĭ-đăng; Inh boih Kră Yang.

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.