Ne 10:31 - Sơ̆p Hlabơar Nơ̆r 'Bok Kei-Dei

³¹ Lu nhôn pơkă lăm năr Sa'bat dah năr đei pơm giĕng tih ưh kơ răt phe 'ba dah tơmam kiơ đơ̆ng lu adrĕch char âu, lăm sơnăm mă tơpơh ưh kơ choh jang sa, kư̆m ưh kơ iŏk boih đơ̆ng bơngai bu oei hre.

Ne 10:31 Iomraidhean Croise

II Ho 36:21

Tơdrong 'nâu truh wă pơsĭt kơ nơ̆r Kră Yang khan mă đơ̆ng Jêrêmi 'bok khan lê̆ adrol roi tơbăt. Dĭng truh tơ dêh char đei pơdơh lu sơnăm Sa'bat kiơ̆ kơ Kră Yang 'Bok Kei-Dei đei pơkă boih, đĭ-đăng lăm dêh char pơdơh sơnăm Sa'bat tơtŭng rơhiăng đĭ juơ, dĭng truh tơ tôm tơpơh-jĭt sơnăm.

Ne 13:23

Kŭm lăm chăl noh, inh 'bôh lu bơngai Juđa iŏk akăn bơngai Asdôt, Ammôn păng Môap;

Ne 13:27

Lu iĕm tơchĕng lu nhôn wă mơ̆ng kiơ̆ nơ̆r lu iĕm âu păng pơm yoch kơnê̆ tih, iŏk drŏ-kăn adrĕch nai na pơm yoch hăm Kră Yang 'Bok Kei-Dei lu bơ̆n hă?

Le 12:16

Năr blŭng-a, lu iĕm athei đei năr akŭm 'lơ̆ng rơgoh păng truh năr tơpơh lu iĕm gô akŭm lei-lăi mơ̆n. Lăm năr noh ưh gơh jang tơdrong kiơ, lăp gơh pai hơmet tơmam sa ăn kơ rim 'nu sa đĕch.

Le 20:10

Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh;

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Lêwi 23:21

Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.