Ne 1:8 - Sơ̆p Hlabơar Nơ̆r 'Bok Kei-Dei

⁸ Apinh Ih 'blŏk bĕ kơ nơ̆r Ih bơtho khan boih kơ 'bok Môis đĭch đam Ih thoi âu: Tơdah lu iĕm pơm yoch, Inh gô tơraih lu iĕm tơ tŏk-bŏk lu adrĕch adrung, kon bơngai.

Ne 1:8 Iomraidhean Croise

Horiso 119:49

Apinh Ih 'blŏk kơ nơ̆r Ih đei pơkă hăm lu đĭch đam Ih. Đơ̆ng tơdrong 'nâu Ih ăn kơ inh đei hơmĕng.

Êsêkiên 22:15

Inh gô pơm kơ iĕm tơklah tơklang jơ̆p kơ teh đak păng Inh gô săi tơraih iĕm tơ jơ̆p lăm khŭl adrĕch adrung nai păng Inh gô pơgoh lê̆ tơdrong 'mê̆-'mach đơ̆ng iĕm.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.