Ne 1:11 - Sơ̆p Hlabơar Nơ̆r 'Bok Kei-Dei

¹¹ Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Ne 1:11 Iomraidhean Croise

Bl 24:42

Năr âu kơplah inh truh tơ đak sơlŭng noh, inh đei apinh thoi âu: ‘Kră Yang 'Bok Kei-Dei yŏng tơ'ngla inh Abraham! Apinh ih lăng păng tơgŭm kơ tơdrong inh năm âu gô jing!

Bl 32:11

Thoi noh apinh Kră Yang 'Bok Kei-Dei pơklaih inh đơ̆ng ti Êsâu, 'nhŏng inh, kơnh hli kơ sư blah inh păng đe kon drŏ-kăn inh hai dơ̆ng.

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Bl 40:1

Đang kơ dôm tơdrong noh boih, đei tơdrong truh kơ bre bơ̆jang kơ pơtao, minh 'nu lăng hơmet đak nhă, minh 'nu lăng gah tơmam sa păng pơm 'bĕng sa kơ pơtao Êyiptơ, đei pơm yoch hăm yŏng tơ'ngla sư.

Bl 40:2

Pơtao Pharaôn blĕk dêh kơ bre sư, pơm 'bĕng păng lăng hơmet đak nhă.

Bl 40:21

Pharaôn pôk ăn kơ bơngai mă lăng hơmet đak nhă jang thoi đêl ki sơ̆, wă kơ bơngai 'nâu pôk glơng đak nhă tơ sư thoi so;

Bl 40:23

Đơ̆ng noh bơngai mă lăng pôk đak nhă kư̆m đĭ hiơt kơ Jôsep boih, pă 'blŏk kơ Jôsep dơ̆ng.

Bl 41:9

Bơngai mă jang lăng hơmet đak nhă khan kơ Pharaôn thoi âu: Dang ei inh 'blŏk kơ tơdrong yoch inh.

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

II Ho 6:40

Kră Yang 'Bok Kei-Dei inh! Inh krao apinh Ih lăng păng mơ̆ng nơ̆r krao apinh Ih đơ̆ng anih 'nâu.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Ne 1:6

Inh apinh Ih lăng păng đon Ih mơ̆ng nơ̆r krao khan inh bơngai đĭch đam Ih, dang ei inh oei krao khan rim năr rim măng yua kơ adrĕch Isơrael, lu đĭch đam Ih, oei 'bơ̆t anăp Ih păng roi tơbral dôm tơdrong yoch kon pơlei Isơrael mă lu nhôn pơm glăi boih hăm Ih, inh păng hnam dơnŏ 'bok inh kư̆m pơm yoch.

Ne 2:1

Lăm sơnăm mă 'bar-jĭt chăl pơtao Artaserses, khei Nisana đei boih sik hơmu 'bơ̆t anăp sư, inh iŏk pôk pơyơ̆r ăn kơ pơtao; inh ưh kơ đei sơ'ngon ôh 'bơ̆t anăp sư.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Horiso 106:46

Sư kư̆m ăn kơ lu sư đei pŭn hiôk 'bơ̆t anăp lu bơngai mă rôp lu sư pơm bơnă.

Horiso 130:2

Ơ Kră Yang! Apinh Ih mơ̆ng nơ̆r inh; Apinh Ih pơgling đon mơ̆ng nơ̆r inh krao apinh.

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

Horiso 86:6

Ơ Kră Yang, pơgling đon Ih mơ̆ng bĕ nơ̆r inh krao khan. Mơ̆ng nơ̆r inh ôr krao apinh.

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Je 42:12

Inh gô mơnat kơ lu iĕm, ăn kơ pơtao kư̆m mơnat kơ lu iĕm păng ăn kơ lu iĕm gơh oei tơ lăm teh đak lu iĕm kơdih.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Hêbrơ 13:18

Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.