Na 3:11 - Sơ̆p Hlabơar Nơ̆r 'Bok Kei-Dei

¹¹ Ih kư̆m lei-lăi, gô ưh pă băt thoi bơngai suai, gô chă ôn păng chă anih kơjăp wă ôn kơ lu ayăt.

Na 3:11 Iomraidhean Croise

Horiso 75:8

Lăm ti Kră Yang đei chĕp pơnhan. Tơdrô blôk yuh; Sư tuh 'bĕnh kơ tơdrô hơkăm. Đĭ-đăng lu bơngai kơnê̆ lăm teh đak gô huch tơdrô noh; păng huch pơgoh đĭ kơdroh sư.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 29:9

Kơdrăt bĕ, hli tơrơ bĕ, măt iĕm tol păng pă 'bôh! Suai bĕ, mă-lei ưh kơ suai đơ̆ng tơdrô hơmu, nơnăm we-wo 'ma 'ngiĕo ưh kơ sĭ đơ̆ng huch tơdrô 'lơ̆ng ôh.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 63:6

Inh pơjuă gơhlơ̆r bơih lu kon pơlei lăm tơdrong hil mĭl. Inh ăn kơ lu sư suai hăm tơdrong Inh hil mĭl, păng pơlôch bơih pham lu sư lĕch tơ kơpal teh.

Je 4:5

“Roi tơbăt bĕ tơ lăm dêh char Juđa păng lăm pơlei Jêrusalem khan: ‘Hlôm bĕ keng tơ jơ̆p lăm char.’ Krao ôr mă kơtang păng khan: ‘Akŭm băl bĕ. Bĕ bơ̆n năm mơ̆t tơ lăm lu pơlei kơjăp.’

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Am 9:3

Mă khan lu sư kơdâu ôn tơ kơpal kông Karmel, inh kư̆m gô chă wă pơdŭng tơlĕch lu sư; mă khan lu sư klĕnh đơ̆ng muh măt inh ôn tơ ala đak dơsĭ sŭng, inh kư̆m gô ăn kơ 'bih choh lu sư tơ noh.

Mi 7:17

Lu sư gô liah 'mui teh thoi 'bih păng hli tơrơ lĕch đơ̆ng lăm trôm teh lu sư thoi lu sem brem mơmŏ kơpal teh; lu sư gô hli tơrơ na lu sư wih tơ Kră Yang 'Bok Kei-Dei lu bơ̆n, yua kơ ih na lu sư hli tơrơ.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Na 2:1

Lu bơngai wă blah pơrăm ih truh boih; bơwei bĕ lu kơđông, gak găn lăng lu trong tih, tơ̆n gơhret kơiĕng ih păng pơpôi dôm linh pran kơtang ih.

Luka 23:30

Hơtai ei kơnh đe gô khan kơ kông thoi âu: ‘Hiŏng tơlơ̆ kơpal nhôn âu bĕ.’ Na đe kư̆m khan kơ groi thoi âu mơ̆n: ‘Klơ̆p lê̆ nhôn bĕ.’

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 14:11

Thoi noh na măr sư năm tơ kơđông bơngai Philistin, tơ'bôh akâu bre sư. Bơngai Philistin pơma tơduă: Lăng to lu bơngai Hêbrơ lĕch đơ̆ng hơgơp tơmo anih mă lu sư ôn.