Na 3:10 - Sơ̆p Hlabơar Nơ̆r 'Bok Kei-Dei

¹⁰ Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.

Na 3:10 Iomraidhean Croise

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Jop 6:27

Lu iĕm hăm đei hlang lăng tơgar băl iŏk kon mơti, dah tơplih buăl iĕm iŏk tơmam?”

Horiso 137:8

Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

Horiso 137:9

Pŭn dêh kơ bu rôp kon hơ'lơ̆p iĕm, Hơtat lu sư tơ tơmo.

Horiso 149:8

Wă kơ chô̆ lu pơtao lu sư păng glang mam. Păng bơngai yŏng lu sư păng giĕn mam.

Êsai 13:16

Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 19:4

Inh gô jao kon pơlei Êyiptơ lăm ti lu yŏng pơgơ̆r kơnê̆ dêh păng ăn kơ minh 'nu pơtao chư̆ kơnê̆ gô pơgơ̆r lu sư. Kră Yang Tih Hloh khan thoi noh.

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Nhom 4:1

Ô! Maih hiong boih rang sư, maih se tơplih boih. Tơmo tơ anih rơgoh pơchah đĭ tơ âu tơ to tơ rim mum trong pơlei tih!

Êsêkiên 29:7

Lăp lu sư rôp ih hăm ti, na ih pơchah tơgơ̆ đĭ, hiĕt hơngiĕng lu sư; lu sư gơning 'bơ̆t ih, na ih tơgơ̆ pơm kơ lu sư pơ̆k tơgơ̆ kơiĕng.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Jôel 3:3

hlang lăng tĕch kon pơlei pơla Inh, tơplih kon drŏ-nglo iŏk drŏ-kăn đi păng tĕch kon drŏ-kăn răt tơdrô wă et suai.

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Ob 1:11

Lăm năr đe tơmoi tơgar iŏk mŭk tơmam sư, lu kon pơlei tơmoi mơ̆t lăm 'măng jang pơlei sư păng wă hlang lăng iŏk teh pơlei Jêrusalem, na lăm năr noh ih dơ̆ng pah to, ih kư̆m thoi minh 'nu bơngai lăm lu sư,