Na 3:1 - Sơ̆p Hlabơar Nơ̆r 'Bok Kei-Dei

¹ Răm-'băm tơpă kơ pơlei mă ngăl pơlôch đe! Sư 'bĕnh-'bang kơ tơdrong hơlĕnh hơleo păng blah tơgar iŏk, tơtông ưh pă pơdơh.

Na 3:1 Iomraidhean Croise

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 24:9

Đe kư̆m ưh pă đei et sik hơri rah dơ̆ng; lu bơngai hơmui kơ sik et sik đĭ tăng.

Êsai 42:24

Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Na 2:12

dăm-brang tơno châu lơ lu kon sem bri ăn kơ lu kon sư sa păng châu rôp ăn kơ lu dăm-brang akăn, trôm lu sư oei 'bĕnh kơ sem bri đêl sư châu, tơpu lu sư 'bĕnh kơ 'nhĕm sem bri mă đêl lu sư đei rôp sa.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Habakuk 2:12

Răm-'băm tơpă kơ lu đe bu mă iŏk pham pơm pơlei păng iŏk tơdrong kơnê̆ pơjing pơlei tih!