Na 2:9 - Sơ̆p Hlabơar Nơ̆r 'Bok Kei-Dei

⁹ Tơgar iŏk hu, tơgar iŏk maih bĕ; yua kơ tơmam gĭt lu sư lơlap, tơmam kăp lu sư lơ dêh.

Na 2:9 Iomraidhean Croise

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 51:56

Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Êsêkiên 26:12

Khŭl lu linh gô blah tơgar iŏk mŭk tơmam ih, iŏk đĭ dôm tơmam ih đei, pơrăm đĭ dur pơlei; lu sư gô pơrăm anih hnam 'lơ̆ng ih păng klơ̆m lê̆ lu tơmo, 'long păng teh ih tơ lăm đak dơsĭ.

Da 11:8

Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.

Na 3:17

Lu 'bok yŏng pơgơ̆r ih thoi lep 'ba, lu yŏng linh ih lơ thoi lep tung-nut kôp kơpal dur lăm năr tơngiĕt, dĭng truh tơ măt 'năr lĕch, lu sư păr weh đĭ, đe ưh kơ băt lu sư oei tơ yơ.

Tơdrông Tơ'bôh 18:12

tôm tơdrong tơmam thoi lĕ kơ maih, hu, tơmo gĭt, găr anam, che 'bui, brai thêt, che tơpu sơdrông; păng tôm kơ kơđoh 'long 'bâu phu; tôm kơ tơmam đơ̆ng bơla rôih, 'long kơdrăk, mam kong, tôm tơdrong mam, bơ̆n tơmo rang thoi akar pơnhan;

Tơdrông Tơ'bôh 18:16

chă pơma rah khan: “Ô glăi, ô glăi, Pơlei Babilôn pơlei tih-tin, rŏ kơ pơlei yă pơtao hrŭk hơbĕn ao 'brê găm jơk dreng 'lơ̆ng 'lơ̆ng, chă pơhrôp akâu kơdih 'bot bơ̆n maih, bơ̆n hu, bơ̆n anam.