Na 2:5 - Sơ̆p Hlabơar Nơ̆r 'Bok Kei-Dei

⁵ Sư 'blŏk krao lu bơngai kră nuih kơtang lu sư chĕp khêl yak hăt hot dĭng mah kơtơih pơ̆k wă kơ jah truh tơ dur pơlei sư, wă găn blah.

Na 2:5 Iomraidhean Croise

Êsai 21:5

Đe hơmet gơ'bang sa et, đe lơ̆k che, đe sa păng et. Ơ lu yŏng pơgơ̆r iung bĕ tuh đak rơmă kơ khêl iĕm.

Êsai 5:27

Lăm lu sư ưh kơ đei minh 'nu bơngai bu gleh lap, kơtơih pơ̆k, ưh kơ đei bơngai bu tep kơkôi păng tep blêk; ưh kơ đei bơngai bu tơlei tơ̆n sư tơyaih dah tơlei chơkhŏ sư kơtĕch.

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Na 2:6

'Măng jang đak krong tơpơih đĭ truh tơ hnam pơtao pơchah đĭ.

Na 3:18

Ơ pơtao Asiri, lu bơngai wei triu ih tep đĭ. Lu bơngai hơgei pơm yŏng lu sư pơdơh hiôk đĭ boih; kon pơlei ih kơdâu tơklah tơklang tơ jơ̆p kông ưh kơ đei bu krao akŭm lu sư dơ̆ng.

Na 3:3

Lu linh hao aseh drong tơ anăp; đao rang chơchêr chơchar, hơlă tơju tơjrê tơjra. Đei lơ bơngai lôch, akâu bơngai lôch hơdrom băl hơlôk thoi pôi, akâu bơngai lôch kĕt keng. Đei lơ bơngai pơ̆k hơtat kơpal akâu bơngai lôch.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.