Na 2:2 - Sơ̆p Hlabơar Nơ̆r 'Bok Kei-Dei

² Yua kơ Kră Yang gô tơiung dơ̆ng tơdrong ư-ang Jakôp, thoi tơdrong ư-ang Isơrael, đơ̆ng lu bơngai mă blah pơgŏ pơđep lu sư păng pơrăm lê̆ boih dơng hơmu sư.

Na 2:2 Iomraidhean Croise

Horiso 47:4

Sư rơih teh jang sa kơ lu nhôn jơ̆ tơdrong ư-ang Jakôpb mă sư 'mêm. Sêla

Êsai 60:15

Sơ̆ đe hiơt đe areh kơ ih, păng ưh kơ đei bu năm rok lăm ih. 'Nâu Inh gô pơm ăn kơ ih jing rŏ ling-lang, jing tơdrong chơt hiôk kơ lơ bơngai ling-lang hlŏng hloi.

Je 25:29

'Nâu, Inh wă ăn tơdrong gleh truh kơ pơlei tih krao anăn Inh. Bĕ lu iĕm, Inh wă lê̆ kơ phak hă? Ưh ôh! Inh gô phak lu iĕm, yua kơ Inh gô ăn đao hơlă truh tơ đĭ-đăng adrĕch adrung oei kơpal teh,’ ” Noh Kră Yang Tih Hloh khan.

Je 48:11

Môap juăt kơ oei arih hiôk-hian đơ̆ng sơ̆, thoi sik hơmu oei lăm ge, đe ưh tam đei tuh ôh sư đơ̆ng ge 'nâu tơ ge nai; kư̆m tam đei pơm bơnă; lei na hơkăm sư oei hơnơ̆ng huay kơ sap. Thoi sik hơmu 'bâu phu sư ưh kơ tơplih ôh.”

Je 49:9

Lu bơngai phĕ hơmu truh tơ mir iĕm, hăm trŏ lu sư phĕ oei lê̆ plei tŏ sĕt ưh? Lu bơngai phĕ tơtông kơmăng, hăm trŏ lu sư phĕ tơtông lăp mah kơ lu sư đĕch?

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 37:23

Lu sư ưh pă pơm 'mê̆ akâu kơkuh kơ rup yang, lu tơdrong kơnê̆ krưp păng dôm tơdrong yoch glăi. Inh gô dŏng pơklaih lu sư đơ̆ng tơdrong pơ̆k huŏng, mă lu sư hlôi pơm. Inh gô ôp hơrao lu sư, lu sư jing kon pơlei pơla Inh, Inh jing Kră Yang 'Bok Kei-Dei lu sư.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.

Na 3:14

Iĕm athei chhŏ mong hiă đak wă găn đe wang, pơm mă kơjăp kơđông ih. Pơjuă bĕ trôk, jrâu hăm teh lơ̆n păng pơm hơmet ming hnam pơm găch mă kơjăp.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.